މ މުލީގައި އަޅާފައިވާ ސްކޭޓް ޕާކުން ރާއްޖޭގެ ހިތްގައިމު ރީތިކަން ދައްކާލައިފިއެވެ. މަތިން މި ޕާކު ބަލާލަން ވަރަށް ހިތްގައިމެވެ. މ. މުލީގައި އަޅާފައިވާ ސްކޭޓް ޕާކު މަތިން ބަލާލުމުން ފެންނަނީ ރާއްޖޭގެ ނޫވިލިގެ ތެރޭގައި ދުވެފައިދާ މަޑިއެކެވެ.
މުލީގައި އަޅާފައިވާ ސްކޭޓް މި ޕާކަކީ ރޯލަރސްކޭޓްކުރާ ކުދިންނަށް ހާއްސަ ޕާކެކެވެ. ޔޫތް މިނިސްޓަރ އަހްމަދު މަހްލޫފް ވިދާޅުވީ މި ޕާކަކީ ދެލައްކަ ރުފިޔާ ހަރަދުކޮށްގެން ހަދާފައިވާ ޕާކެއްކަމަށެވެ. އަދި މި މި ޕާކު ހެދުމުގައި " ވޮންޑަރސް އަރައުންޑް ދަ ވަރލްޑް" ގެ ލިބުނު އެހީތެރިކަން ފާހަގަކޮށް އެކަމަށްވަނީ ޝުކުރު އަދާކޮށްފައެވެ.
Beautiful scenes at M. Muli with the newly installed skate park. @MoYSCEmv spent 200K for the development & I’d like to thank volunteers of Wonders Around the World for the wonderful job, Muli Council and MP @ikramhassan for their assistance. #JazeeraRaajje ??? pic.twitter.com/L60BKRMJ9k
— Ahmed Mahloof (@AhmedMahloof) July 11, 2020
މީގެއިތުރުން މުލީ ކައުންސިލާއި އެ ދައިރާގެ މަޖިލިސް މެމްބަރ އިކްރާމް ހަސަންވެސް ކޮށްދެވި މަސައްކަތް ފާހަގަކޮށް އެކަމަށްވަނީ ޝުކުރު އަދާކުރައްވާފައެވެ.
އަލަށް އެޅި މި ޕާކު ބޭނުންކުރަން ފެށުމުން މިތަން އެރަށު ކުދިންނަށް ވަރަށް ހިތްގައިމު މަޖާތަނަކަށް ވަނީ ވެފައެވެ. އަދި ގިނަ އަދަދެއްގެ ކުދިން އެތަނަށް ނުކުމެ ރޯލަރސްކޭޓް ދަސްކުރުމުގައި އަންނަނީ ބައިވެރިވަމުންނެވެ.