ފުލުހުންގެ ފޮރެންސިކް ލެބްގައި ކޯވިޑް-19އަށް ސާމްޕަލް ޓެސްޓުކުރަނީ - ފޮޓޯ: ފުލުހުން
ރާއްޖޭގައި ކޯވިޑް-19 ޖެހުނު މީހުންގެތެރެއިން ބަލިން ރަނގަޅުވި މީހުންގެ ޢަދަދު 1900 އަށްވުރެ މައްޗަށް ހިނގައްޖެއެވެ.
އެޗްޕީއޭއިން ވިދާޅުވީ ކޯވިޑް-19އަށް ޕޮޒިޓިވްވެ ފަރުވާދެމުންދާ މީހުންގެ ތެރެއިން އިތުރު 36 މީހުން މިއަދު ބަލިން ރަނަގަޅުވެފައިވާކަމަށެވެ. މިއާއެކު ބަލިުން ރަނގަޅުވި މީހުންގެ ނިސްބަތް މިވަނީ 82 އިންސައްތައަށް އަރާފައެވެ.
ރާއްޖެއިން ކޯވިޑް-19 ފެނުނުތާ މިއަދަށް 113 ދުވަސްވެފައިވާއިރު، މިހާރު މިބަލީގައި ފަރުވާދޭ މީހުންގެ އަދަކީ 400 އެވެ.
މިބަލި ފެތުރުން ކޮންޓްރޯލް ކުރުމައްޓަކައި ރައްކާތެރިކަމުގެ ފިޔަވަޅެއްގެ ގޮތުން މާލެ ސަރަހައްދު ފުރަބަންދުކުރުމަށްފަހު މިހާރުމިވަނީ ބޮޑެތި ލުއިތަކެއް ދީފައެވެ. ނަމަވެސް މި ލުއިތަކާއެކުވެސް ރައްކާތެރިކަމުގެ ފިޔަވަޅުތަކަށް ސަމާލުވުމަށް ސަރުކާރުން ވަނީ އިލްތިމާސް ކުރައްވާފައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ