ތަމްރީނުތަކެއްގައި ސިފައިން ބަޑި ޖެހުމަށް ހަމަޖެހިފައިވާތީ ދެކުނުގެ ބައެއް އަތޮޅުތަކުގައި ކަނޑު ދަތުރުކުރާ ފަރާތްތަކުން ސަަމާލުވުމަށް ޓްރާންސްޕޯޓް އޮތޯރިޓީން އަންގައިފިއެވެ.
އެ އޮތޯރިޓީން ވިދާޅުވީ އަންނަ މަހުގެ 19 އިން 23 އަށް ސިފައިން ތަމްރީނުތައް ކުރިޔަށްދާނީ ދެ ސަރަހައްދެއްގައިކަމަށެވެ. މި ގޮތުން މި ތަމްރީނުތައް ކުރިޔަށްދާނީ އައްޑޫ ސިޓީ ގަމުގެ ދެކުނުން އަދި ލ. ގަމުގެ އިރުން 07 ނޯޓިކަލް މޭލު ބޭރުގައިކަމަށެވެ.
މި ތަމްރީނުތަކުގައި މެޝިން ގަން ބޭނުންކުރުމަށްވަނީ ހަމަޖެހިފައެވެ. އަދި 5000 މީޓަރު ދުރުމިނަށް ބަޑި ޖެހުމަށްވެސް ވަނީ ނިންމާފައެވެ. އަދި މި ތަމްރީނުތަކުގައި ކަނޑުން ފެށިގެން 100 މީޓަރު އުސްމިނަށް ބަޑި ޖަހާނެކަމަށްވެސް އެމްއެޑީއެފުން ވިދާޅުވެއެވެ.
ތަމްރީނުގައި ވައިގެ ސަރަހައްދު ބޭނުންކުރާނެ ގޮތުގެ ތަފްސީލް
- ބޭނުންކުރާ ހަތިޔާރު/ ޕައިކޯޓެކްނިކްސް : މެޝިން ގަން ފަޔަރިންގ
- ވައިގެ ސަރަހައްދު ބޭނުންކުރޭނެ އެންމެ ދުރުމިން: 5000 މީޓަރ
- ވައިގެ ސަރަހައްދު ބޭނުންކުރާނެ އެންމެ އުސްމިން: 100 މީޓަރ
- ވައިގެ ސަރަހައްދު ބޭނުންކުރާނެ އެންމެ ތިރިމިން: ސީ.ލެވެލް
- ވައިގެ ސަރަހައްދު ބޭނުންކުރާނެ ޑައިރެކްޝަން: ސ. ގަމުގެ ދެކުނުން 07 މޭލު ބޭރުގައި
ސ. ގަމުގެ ދެކުނުން އަދި ލ. ގަމުގެ އިރުން ކަނޑުދަތުރުފަތުރުކުރާ ފަރާތްތަކުން މިކަމަށް ސަމާލުކަން ދީގެން ދަތުރު ފަތުރު ކުރުމަށް ޓްރާންސްޕޯޓް އޮތީރިޓީން ވިދާޅުވެއެވެ.
މޯލްޑިވްސް ނެޝަނަލް ޑިފެންސް ފޯސް (އެމްއެންޑީއެފް)އިން އަންނަނީ މި ފަދަ ތަމްރީނުތައް ރާއްޖޭގެ އެކި ސަރަހައްދުތަކުގައި ބާއްވަމުންނެވެ.