ޕަބްލިކް ސާވިސް މީޑިއާ، ޕީއެސްއެމް ނިއުސްގެ ވެބްސައިޓް އާއްމުންނަށް ކޮމެންޓްކުރެވޭ ގޮތް ހަމަޖައްސައިފިއެވެ. މިގޮތުން ޕީއެސްއެމް ނިއުސް ވެބްސައިޓުގައި ޝާއިއުކުރާއި ޚަބަރާއި ރިޕޯޓުތަކަށް ކޮމެންޓްކުރެވޭ ގޮތަށް ކޮމެންޓް ސެކްޝަން އިތުރުކޮށްފައި މިވަނީ، އާއްމުންނަށް ޚިޔާލުފާޅު ކުރުމަށް ފުރުޞަތު ދިނުމުގެ ގޮތުންނެވެ.
މިގޮތުން، ޕީއެސްއެމް ނިއުސްގައި ޝާއިއުކުރާ ޚަބަރާއި ރިޕޯޓުތަކަށް، ކިޔުންތެރިން ފޮނުއްވާ ޚިޔާލުތައް ރިވިއުކޮށް ޝާއިއު ކުރަމުން ގެންދާނެއެވެ. އާއްމު ފަރާތްތަކުން ފޮނުވާ ޚިޔާލުތައް ވެބްސައިޓްގައި ޝާއިއު ކުރަމުންގެންދާނީ އެކަމަށްޓަކައި އެކަށައެޅިފައިވާ އުސޫލުތަކާއި އެގޮތަށް ފޮނުވޭ ޚިޔާލުތަކެވެ.
މިގޮތުން ފާޅުކުރާ ޚިޔާލަކީ، އެ ޚަބަރަކާއި ނުވަތަ ރިޕޯޓެއްގެ މައުޟޫއާއި ގުޅޭ ގޮތަށް ފާޅުކޮށްފައިވާ ޚިޔާލަކަށް ވާންޖެހޭނެއެވެ. އަދި ދިވެހިޖުމުހޫރިއްޔާގެ ޤާނޫނު އަސާސީ އާއި ޤާނޫނުތަކާއި އެއްގޮތަށް ފާޅުކޮށްފައިވާ ޚިޔާލެއް ކަމުގައިވުމާއި އަދި އެއްވެސް މީހެއްގެ ޒާތާއި އަބުރާއި ކަރާމާތަށް އުނިކަން ލިބޭ ފަދަ ގޮތެއްގައި ފާޅުކުރެވިފައިވާ ޚިޔާލަކަށް ވެގެން ނުވާނެއެވެ.
ކިޔުންތެރިންގެ ޚިޔާލާއި ބިނާކުރަނިވި ފާޑުކިޔުންތަކަކީ، ޕީއެސްއެމް ނިއުސްއަށް ލިބޭ އިތުރު ކުރިއެރުމެއްކަމުގައި ޕީއެސްއެމްނިއުސްއިން ދެކެއެވެ.
މޯޑް އަރޭ އައްމަޑޭ
ޕީއެސްއެމް ނިއުސްއިން ކޮމެންޓް ކުރެވޭ ގޮތް ހެދިއްޔާމު އަޅެދެން ވާހަކަ ވެސް ގެނެސް ދޭން ފަށަންވީ އެއް ނުން އެރުން ވަރަށް ސަޅިވާނެ