ވަޒީފާގެ ބޭނުމަށާއި ތައުލީމީ ބޭނުންތަކަށާއި އާއިލީ ޒިންމާތައް އަދާކުރުމަށް ޤައުމުން ބޭރަށް ދަތުރުކުރަންޖެހޭ މީހުންނަށް އެ ފުރުޞަތު ފަހިކޮށްދިނުމަށް ސަރަޙައްދީ ރޮނގު ހުޅުވުމަށް ރަޝިޔާގެ ސަރުކާރުން ނިންމައިފިއެވެ.
ރަޝިޔާގެ ބޮޑުވަޒީރު މިޚައިލް މިޝުސްޓިން ވިދާޅުވީ ކޯވިޑް-19 ފެތުރުން ހުއްޓުވުމަށް އެ ޤައުމުގައި އަޅާފައިވާ ރައްކާތެރިކަމުގެ ބައެއް ފިޔަވަޅުތަކަށް ލުއިދޭން ނިންމަވާފައިވާކަމަށާއި އެ ލުއިތަކުގެ ދަށުން މުހިންމު އެކި ބޭނުންތަކަށް ރަޝިޔާއިން ބޭރަށް ދަތުރުމުގެ ޙުއްދަ ދިނުމުގެ އިތުރުން އާއިލީ ޒިންމާތައް އަދާކުރުމަށް ރަޝިޔާއަށް ދަތުރުކުރަންޖެހޭ މީހުންނަށާއި އެ ޤައުމުން ޞިއްޙީ ޚިދުމަތް ހޯދަންޖެހޭ ބޭރު މީހުންނަށް ރަޝިޔާއަށް އެތެރެވެވޭނެކަމަށެވެ.
އޭގެ އިތުރުން ބޭރަށް ހިނގާލަން ނުކުތުމުގައި ޢާންމުންނަށް އެއްވެސް ހުރަހެއް ނޯންނާނެކަމަށާއި ހޫނު މޫސުމުގައި ބޭނުންކުރާ ފެންޑާތައް ހުޅުވުމުގެ ޙުއްދަދޭނެއެވެ. އަދި އެ ޤައުމުގައި ބޭނުންކުރަމުންދިޔަ ޑިޖިޓަލް ފާހުގެ ނިޒާމު އުވާލައި އަމިއްލައަށް އެކަހެރިވުމުގެ ޤަވާއިދުތައް އުވާލާނެއެވެ.
ކޯވިޑް-19 ފެތުރުން ހުއްޓުވުމަށް ރަޝިޔާގެ ސަރަޙައްދީ ރޮނގު ބަންދުކޮށްފައިވަނީ މާރިޗު މަހުގެ 30ވަނަ ދުވަހެވެ. ރަޝިޔާގައި ބަލި ފެތުރޭ މިންވަރުދަނީ އިތުރުވަމުންނެވެ. އެ ޤައުމުގައި 476،658 މީހުންނަށް ބަލި ޖެހި، 5،971 މީހުންވަނީ މަރުވެފައެވެ.