ލީބިޔާގައި ކުރަމުންދާ ދާޚިލީ ހަނގުރާމައިގައި ޢަމަލުކުރާނެ އުއު ގޮތެއް މިޞްރުގެ ރައީސް ޢަބްދުލްފައްތާޙް އަލްސީސީ ހުށަހަޅުއްވައިފިއެވެ.
ލީބިޔާގެ ސަރުކާރާ އިދިކޮޅު ޚަލީފާ ޙަފްތާރަށް ވާގިވެރިވާ ސީސީ ހުށަހަޅުއްވަނީ ޖޫން 8ން ފެށިގެން ލީބިޔާގައި ޙަމަލާ ބަދަލުކުރުން ހުއްޓާލާ އިސް ސިޔާސީވެރިން ހިމެނޭ ކައުންސިލެއް ހޮވުމަށެވެ. ސީސީ ވިދާޅުވީ ޞުލްޙައިގެ މަޝްވަރާތައް ސްވިޓްޒަލެންޑުގެ ޖެނީވާގައި ބޭއްވުމަށް ހުށަހަޅުއްވާކަމަށާއި ލީބިޔާގައި ޙަރަކާތްތެރިވާ ހުރިހާ ބޭރު ސިފައިން އެ ޤައުމު ދޫކޮށް ދާންޖެހޭނެކަމަށެވެ. ސީސީގެ ނިންމުން އިޢުލާނުކޮށްފައިވަނީ ޚަލީފާ ޙަފްތާރުގެ ލީބިއަން ނޭޝަނަލް އާމީ، އެލްއެންއޭއަށް ބޮޑެތި އަސްކަރީ ނާކާމިޔާބީތަކެއް ލިބިފައިވަނިކޮށެވެ. ލީބިޔާގެ ސަރުކާރުންވަނީ ތުރުކީވިލާތުގެ އެހީތެރިކަމާއެކު އެލްއެންއޭގެ ބާރުގެ ދަށުގައި އޮތް ގިނަ ސަރަޙައްދުތަކެއް މިނިވަންކޮށް، ސަރުކާރުގެ ފުރިހަމަ ބާރުގެ ދަށަށް ވެރިރަށް ޠަރާބުލުސް ގެނެސްފައެވެ.
މިދިޔަ އަހަރުގެ އޭޕްރިލް މަހުން ފެށިގެން ޚަލީފާ ޙަފްތާރު މަސައްކަތްކުރަމުންދަނީ ލީބިޔާގެ ސަރުކާރުގެ ބާރުގެ ދަށުގައި އޮންނަ ޠަރާބުލުސާއި ލީބިޔާގެ ހުޅަނގު އުތުރު ސަރަޙައްދުތައް އޭނާގެ ބާރުގެ ދަށަށް ގެނައުމަށެވެ.