ޖަރުމަނުވިލާތުގެ ޗާންސެލަރ އެންގެލަރ މާރކެލް އެމެރިކާގެ ރައީސް ޑޮނަލްޑް ޓްރަމްޕް އިސްވެ އިންތިޒާމްކުރައްވާ ޖީ7 ބައްދަލުވުމަށް ހާޒިރުވެވަޑައި ނުގަންނަވާނެކަމަށް އޭނާގެ ރަސްމީ އޮފީހުން ބުނެފިއެވެ.
ޖޫން މަހުގެ 10ވަނަ ދުވަހު ބޭއްވުމަށް ހަމަޖެހިފައި އޮތް ޖީ7 ސަމިޓު ވަނީ ކޯވިޑް-19 ފެތުރޭތީ ކެންސަލްކޮށްފައެވެ. ނަމަވެސް ޓްރަމްޕް ވަނީ އަލުން އެ ބައްދަލުވުން ބާއްވަން ވިސްނަވާކަމަށާއި ކޯވިޑް-19 ފެތުރޭ މި ދަނޑިވަޅުގައި އެ ބައްދަލުވުން ބާއްވައިފިނަމަ ކުރީގެ ޙާލަތަށް ރުޖޫޢަވާން ފަށާފައިވާކަމުގެ އިޙްސާސު ކުރެވޭނެކަމަށް ވިދާޅުވެފައެވެ.
ނަމަވެސް މާރކެލްގެ އޮފީހުން ބުނީ ކޯވިޑް-19ގެ ޙާލަތަށް ބަދަލެއް ނާންނަނަމަ އެ ކަމަނާ އެ ބައްދަލުވުމުގައި ބައިވެރިވެވަޑައިނުގަންނަނަވާނެކަމަށާއި ބަލިމަޑުކަމުގެ ސަބަބުން ކުރިމަތިވެފައިވާ ޙާލަތު ކައިރިން ބަލަމުން ގެންދަވާނެކަމަށެވެ.