އައިބިއެމް ކުންފުނީގެ ސީއީއޯގެ މަޤާމަށް އިންޑިޔާ ދަރިކޮޅުގެ އަރްވިންދް ކްރިޝްނާ ޢައްޔަންކޮށްފިއެވެ.
އަރްވިންދު ކްރިޝްނާއަކީ އައިބިއެމުގެ ނާއިބު ރައީސްގެ މަގާމު ފުރުއްވާފައިވާ އެކުންފުންޏަށް ފަރިތަ ބޭފުޅެކެވެ. އައިބީއެމުން އުންމިދު ކުރަނީ ކްރިޝްނާއަށް ސީއީއޯކަން ދިނުމުން 109ވެފައިވާ ކުންފުންޏަށް އައު ދިރުމެއް ލިބޭނެކަމަށެވެ.
ސީއެންބީސީގައި ވާހަކަދައްކަވަމުން ކްރިޝްނާ ވިދާޅުވީ ދުނިޔޭގެ އެކި ސަރަޙައްދުތަކުގައި ތިބި އައިބީއެމް ކުންފުނީގެ މުވައްޒަފުންނާ ބައްދަލުކުރުމަށާއި މަޢްލޫމާތު ދިނުމަށް އޭނާ ބޭނުންކުރާނީ ވީޑިއޯ ކޮންފަރެންސިންއާއި އީމެއިލްކަމަށެވެ. އަދި އައިބީއެމްއަށް އުންމީދުންފުރިފައިވާ ދުވަސްތަކެއް އޮތްކަމަށް އޭނާ ޤަބޫލުކުރައްވައެވެ.
އަރްވިންދު ކްރިޝްނާއަކީ ކާކު؟
އިންޑިޔާގެ އަންދްރަޕްރަދޭޝަށް އުފަންވެވަޑައިގެންނެވި ކްރިޝްނާއަކީ އައު 15 އުފެއްދުން ރަޖިސްޓްރީކުރުމުގައި ބައިވެރިވެފައިވާ ބޭފުޅެކެވެ. އޭނާ ސާނަވީ ތަޢުލީމާއި ޔުނިވަރސިޓީ ތަޢުލީމު ޙާސިލުކުރެއްވީ އިންޑިޔާގައެވެ. އޭނާ ޑިގްރީ ހާސިލުކުރެއްވީ އައިއައިޓީ ކާންޕޫރުންނެވެ. އަދި ޕީއެޗްޑީ ޙާޞިލުކުރީ އިލެކްޓިކަލް އިންޖިނިއަރިންގެ ދާއިރާއިން އެމެރިކާއިންނެވެ.
އިންޑިޔާގެ ސިފައިންގެ އޮފިސަރެއްގެ ދަރިއެއްކަމަށްވާ ކްރިޝްނާވަނީ އައިބިއެމުގައި މަސައްކަތްކުރައްވަން ފެށިފަހުން އެކުންފުނީގެ ރިސާރޗް ޑިވިޝަނަށް އައު ދިރުމެއް ގެނެސްދީފައެވެ. އަދި 1918ވަނަ އަހަރު އައިބީއެމުން ރެޑްހެޓް ކުންފުނި 24 ބިލިއަން ޑޮލަރަށް ގަތުމުގެ މޭސްތިރިއަކަށް ހުންނެވީވެސް ކްރިޝްނާއެވެ. އޭނާވަނީ އައިބިއެމަށް 30 އަހަރު ޚިދުމަތްކުރައްވާފައެވެ.