ގއ. ވިލިނގިލީގައި ރޭ ފަތިހު ޒުވާނަކު މަރުވި މައްސަލައާ ގުޅުންހުރި ކަމަށް ތުހުމަތުކުރެވޭ 6 މީހަކު ހައްޔަރުކޮށްފިއެވެ.
ކޯޓު އަމުރެއްގެ ދަށުން ހައްޔަރުކުރި މި ހަމީހުންގެ ތެރޭގައި ހިމެނެނީ 24 އަހަރުގެ ދެ މީހަކާއި، 23 އަހަރުގެ މީހަކާއި 21 އަހަރުގެ މީހަކާއި، 20 އަހަރުގެ މީހެއްގެ އިތުރުން 18 އަހަރުގެ މީހެއްކަމަށް ފުލުހުން މަޢުލޫމާތުދެއެވެ. މި ހަ މީހުންނަކީވެސް ދިވެހިންކަމަށް ފުލުހުން ވިދާޅުވިއެވެ.
ފުލުހުން ވިދާޅުވީ ރޭ ފަތިހު ފަހެއްޖާހާ އެހާކަށްހާއިރު، ވިލިނގިލީ ހޮސްޕިޓަލަށް 24 އަހަރުގެ ދިވެހި ފިރިހެނަކު ގެންދިޔައިރުވެސް މަރުވެފައިވާ މައްސަލައެއް ފުލުހުންނަށް ހުށައަޅާފައިވާކަމަށެވެ.
މައުލޫމާތުލިބިފައިވާ ގޮތުން 24 އަހަރުގެ އެޒުވާނާ މަރުވެފައިވަނީ މަސްތުވާތަކެތީގެ ބާވަތަކަށް އޯވަރޑޯޒް ވެގެންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ