އިންޑިޔާގެ ވެރިރަށް ނިއު ދިއްލީގައި މީހަކު މާސްކު އަޅައިގެން - ފޮޓޯ: ރޮއިޓަރސް
އިންޑިޔާގައި ކޯވިޑް-19 ފެތުރޭ މިންވަރު އިތުރުވަމުންދާތީ އެޤައުމުގައި ދަތުރުފަތުރުގެ ޚިދުމަތް ހޯދާ މީހުންގެ ޢަދަދު މަދުވެއްޖެއެވެ.
އިންޑިޔާގައި ވައިރަސް ފެތުރޭތީ ގިނަ ޢަދަދެއްގެ ވައިގެދަތުރުތައްވަނީ ހުއްޓާލާފައެވެ. އަދި ގިނަ ސަރަޙައްދުތަކުގެ މަދަރުސާތަކާއި ސިނަމާތަކާއި އާންމުން އެއްވެއުޅޭ އެހެނިހެން ތަންތަންވަނީ ބަންދުކޮށްފައެވެ. އޭގެ ތެރޭގައި ފަތުރުވެރިންގެ މެދުގައި މަޤުބޫލު މަންޒިލްތައްވެސް ހިމެނެއެވެ. އިންޑިޔާގައި ކޯވިޑް-19 ޖެހިފައިވާ މީހުންގެ ޢަދަދުވަނީ 60އަށް އިތުރުވެފައެވެ.
ކޯވިޑް-19 މިހާތަނަށްވަނީ ދުނިޔޭގެ 126 ޤައުމަކާއި ސަރަޙައްދަކުން ފެނި، 4،600އަށްވުރެ ގިނަ މީހުން މަރުވެފައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ