ޤައުމީ އެއާރލައިން މޯލްޑިވިއަންގެ އުދުހުންތަކުގައި ބޭނުންކުރުމަށް އިތުރު މަތިންދާ ބޯޓެއް އަންނަ އޮކްޓޫބަރުމަހުގެތެރޭ ގެނައުމަށް ހަމަޖެހިފައިވާ ކަމަށް އައިލެންޑް އޭވިއޭޝަނުން ހާމަކޮށްފިއެވެ.
އައިލެންޑްއޭވިއޭޝަންގެ ހެޑް އޮފް އެޑްމިނިސްޓްރޭޝަން އަލީ ނަޝާތު ވިދާޅުވީ އަލަށް ގެންނަ ބޯޓަކީ 50 ސީޓްގެ ޑޭޝް 8 މަރުކާގެ ބޯޓެއް ކަމަށާއި، މިބޯޓް
އޮކްޓޯބަރުމަހުގެ ފުރަތަމަ ހަފްތާތެރޭ ރާއްޖެ ގެނައުމަށް މަސައްކަތް ކުރަމުންދާ
ކަމަށެވެ.
އަލަށް ގެންނަ ބޯޓާއެކު
މޯލްޑިވިއަންގެ އެއަރ ކްރާފްޓްތަކުގެ އަދަދު ސޯޅަޔަށް އަރާނެއެވެ.
މޯލްޑިވިއަންގެ އެއަރކްރާފްޓް ފްލީޓްގައި މިހާރު 6 ސީޕްލޭން، ޑޭޝް އަށެއް މަރުކައިގެ 7 މަތިންދާ ބޯޓުގެ އިތުރުން
އެއަރބަސް އޭ 320 މަރުކައިގެ ދެ މަތިންދާ ބޯޓު އޮވެއެވެ. ނަޝާތު ވިދާޅުވީ
މިއަހަރު ނިމުމުގެ ކުރިން ސީޕްލޭންގެ ފްލީޓަށްވެސް އިތުރު ދެ ބޯޓް ގެނައުމަށް
މަސައްކަތް ކުރަމުންދާ ކަމަށެވެ.