ބޭންކް އޮފް މޯލްޑިވްސް، ބީއެލްއެލްގައި ފަސް އަހަރަށްވުރެ ގިނަދުވަހު ބޭނުންނުކޮށް ހުރި އެކައުންޓުތައް އުވާލުމަށް ނިންމާ، އެ އެކައުންޓުތަކުގެ މައުލޫމާތު އާންމު ކޮށްފިއެވެ.
މިގޮތުން ބޭންކުން ވަނީ 668 އެކައުންޓެއްގެ މައުލޫމާތު ގެޒެޓުގައި ކުރި އިއުލާނެއްގައި އާންމުކޮށްފައެވެ.
ބީއެމްއެލްއިން ބުނެފައިވަނީ ރާއްޖޭގެ ބޭންކިން ޤަވާއިދުގައިވާ ގޮތުގެ މަތިން ވޭތުވެދިޔަ 5 އަހަރުދުވަހުގެ ތެރޭގައި އެއްވެސް މުޢާމަލާތެއް އެކައުންޓުގެ ވެރިފަރާތުން ކުރައްވައިފައިނުވާ އެކައުންޓުތަކަކީ ޑޯމަންޓު އެކައުންޓްތައްކަމަށެވެ. އަދި ޑޯމަންޓް އެކައުންޓުތަކުގެ ގޮތުގައި ކަނޑައަޅާފައިވާ އެކައުންޓްތަކުގެ ވެރިފަރާތްތަކަށް ލިއުން ފޮނުވާފައިވާކަމަށާއި މިލިއުމަށް ޖަވާބު ނުލިބޭނަމަ އެކައުންޓްތައް ބަންދުކުރާނެކަމަށް ބީއެމްއެލްއިން ބުނެއެވެ.
ބީއެމްއެލްއިން ބުނީ 1 ޖޫން 2020 ގެ ކުރިން އެކައުންޓްތަކާމެދު އަމަލްކުރާނެ ގޮތް ވެރިފަރާތްތަކުން ނާންގާވާ އެކައުންޓުތައް ބަންދުކޮށް، އޭގައިވާ ފައިސާ އެމްއެމްއޭ އާ ހަވާލު ކުރާނެ ކަމަށެވެ.