ލުޖަނަވާރުގެ ވިޔަފާރިކުރުމާއި ކެއުން މަނާކުރުމަށް ޗައިނާގެ ޤާނޫނުހަދާ އެންމެ މަތީ މަޖިލިސް، ނޭޝަލަން ޕީޕަލްސް ކޮންގްރެސް، އެންޕީސީގެ ސްޓޭންޑިން ކޮމިޓީން ނިންމައިފިއެވެ.
އެޤައުމުގެ ރައްޔިތުންގެ ޞިއްޙަތާއި ފުރާނަ ރައްކާތެރިކުރުމަށް ނިންމި ނިންމުމުގެ ސަބަބުން ޗައިނާއިން ޙިމާޔަތްކޮށްފައިވާ ވަލުޖަނަވާރާއި އެހެނިހެން ވަލުޖަނަވާރުގެ ވިޔަފާރިކުރުމާއި ކެއުންބުއިމުގައި ބޭނުންކުރުން މަނާވާނެއެވެ. އެނިންމުމުގައިވާ ގޮތުން އެޤާނޫނާއި ޚިލާފަށް އަމަލުކުރާ ފަރާތްތަކަށް ހަރުކަށި އަދަބުދެވޭނެއެވެ. މީގެ އިތުރުން، ސައިންސުގެ ބޭނުމަށާއި އެފަދަ އެހެން ބޭނުންތަކަށް ޖަނަވާރު ބޭނުންކުރެވޭނީ ޙާއްޞަ ހުއްދައެއް ހޯދައިގެންކަމަށް އަލަށް ނިންނި ނިންމުމުގައި ބުނެއެވެ.
ހަމައެއާއެކު، ނުރައްކާތެރި ކޮރޯނާވައިރަސް ކޯވިޑް-19ން އަރައިގަތުމަށް ކުރަންޖެހޭ ކަންކަން ފުރިހަމައަށް ކުރުމަށް މަރޗު މަހުގެ ފަސްވަނަ ދުވަހު ބޭއްވުމަށް ހަމަޖެހިފައިވާ އެންޕީސީގެ ތޭރަވަނަ ސެޝަންގެ ތިންވަނަ ބައްދަލުވުން ބޭއްވުން ލަސްކުރުމަށްވެސްވަނީ ނިންމައިފައެވެ.
ކޯވިޑް-19 މިހާތަނަށް ޗައިނާގެ ހަތްދިހަތްހާހަށްވުރެ ގިނަ މީހުނަށް ޖެހި، ދެހާސް ހަސަތޭކައަށްވުރެ ގިނަ މީހުންވަނީ މަރުވެފައެވެ.