އެމެރިކާގެ އަސްކަރީ ފައުޖުތައް އަފްޣާނިސްތާނުން ފައިބަންވީ ވަގުތު ޖެހިއްޖެކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެއެވެ.
ޓްރަމްޕް އެހެން ވިދާޅުވީ ރަސްމީ ދަތުރެއްގައި އިންޑިޔާއަށް ފުރާވަޑައިގަތުމުގެ ކުރިން ވައިޓްހައުސްގައި ނޫސްވެރިންނާ ވާހަކަދައްކަވަމުންނެވެ ޓްރަމްޕް ވިދާޅުވީ އަފްޣާނިސްތާނުގައި ހިނގަމުންދާ ހަމަނުޖެހުންތައް ހުއްޓުމަކަށް ގެނައުމަށް ޠާލިބާން ޖަމާޢަތާއެކު އެއްބަސްވުމަކަށް އައުމަށް ވިސްނަވާކަމަށެވެ. އެމެރިކާގެ އަސްކަރީ ފައުޖުތައް އަފްޣާނިސްތާނުގައި ތިބޭތާ ނަވާރަ އަހަރު ވެފައިވާކަން ފާހަގަކުރައްވާ، ޓްރަމްޕް ވިދާޅުވީ އެމެރިކާ ސިފައިން އަނބުރާ ޤައުމަށް އައުމަށް ބޭނުންވާކަމަށެވެ.
ޠާލިބާން ހަނގުރާމަވެރިންނާއި އަފްޣާނިސްތާނުގެ އަސްކަރީ ބާރުތަކާ ދެމެދު ބަދަލުކުރެވޭ ޙަމަލާތައް މަދުކުރުމަށް އެއްބަސްވިފަހުން މިދިޔަ ހޮނިހިރު ދުވަހު ދެފަރާތުގެ ދެމެދުގައިވަނީ ކުރިމަތިލުންތަކެއް ހިނގާފައެވެ. ޙަމަލާބަދަލުކުރުން މަދުކުރުމުގެ އެއްބަސްވުމާއި އެއްގޮތަށް ދެފަރާތުން އަލަމުކުރާނަމަ އެމެރިކާއާއި ޠާލިބާނުންނާދެމެދު ފެބްރުއަރީ ނަވާވީސްވަނަ ދުވަހު އެއްބަސްވުމެއްގައި ސޮއިކޮށް، އެމެރިކާ ސިފައިން އަފްޣާނިސްތާނުން ފޭބުމުގެ މަސައްކަތް ފަށާނެއެވެ.