ސޫރިޔާގައި އިދިކޮޅު ފަރާތްތަކުގެ ބާރުގެދަށުގައިވާ އެންމެ ފަހު ސަރަޙައްދުކަމަށްވާ އިދްލިބުގެ 600 ކިލޯމީޓަރަށްވުރެ ބޮޑު ސަރަޙައްދެއް އެޤައުމުގެ ސަރުކާރުގެ ބާރުގެދަށަށްގެނެސްފިއެވެ.
މިދިޔަ އަހަރުގެ އޭޕްރިލް މަހުން ފެށިގެން ސޫރިޔާގެ އަސްކަރީ ފައުޖުތަކުންދަނީ އިދްލިބު މިނިވަންކުރުމަށް ވަރުގަދަ އަސްކަރީ ޙަރަކާތެއް ހިންގަމުންނެވެ. އެގޮތުން، ސޫރިޔާގައި ޙަރަކާތްތެރިވާ ރަޝިޔާގެ އަސްކަރީ ބާރުތަކާ ގުޅިގެން ސޫރިޔާގެ އަސްކަރީ ފައުޖުތަކުންދަނީ އިދްލިބުގެ ސަރަޙައްދުތަކަށް އެއްގަމު މަގުންނާ ވައިގެ މަގުން ވަރުގަދަ ޙަމަލާތަކެއް ދެމުންނެވެ.
ސޫރިޔާގެ އަސްކަރިއްޔާއިން ނެރުނު ބަޔާނެއްގައި ބުނެފައިވަނީ ވޭތުވެދިޔަ ދުވަސްތަކުގައި ސޫރިޔާގެ ފައުޖުތަކުންވަނީ އިދްލިބުގެ ގިނަ އަވަށްތައް މިނިވަންކޮށްފައިވާކަމަށެވެ.
އިދްލިބު މިނިވަންކުރުމަށް ސޫރިޔާގެ އަސްކަރިއްޔާއިން ކުރިއަށްގެންދާ އަސްކަރީ ޙަރަކާތްތަކުގެ ސަބަބުން ބައި މިލިއަންއެއްހާ މީހުންވަނީ ހާލުގައި ޖެހިފައެވެ
މީގެ ތެރެއިން، ގިނަ މީހުންވަނީ ސޫރިޔާއާއި ތުރުކީވިލާތް ގުޅޭ ސަރަޙައްދީ ރޮނގާ ދިމާލަށް މިސްރާބު ޖަހައިފައެވެ.