ޗައިނާގެ ކަމާބެހޭ އިދާރާތަކަށް މިދިޔަ އަހަރު ހުށަހެޅުނު އިންވެސްޓްމަންޓްތަކުގެ ތެރެއިން 157 ފިކްސްޑް އެސެޓް އިންވެސްޓްމަންޓަކަށް ހުއްދަދީފައިވާކަމަށް ޗައިނާއިން ބުނެފިއެވެ.
ޗައިނާގެ ނެޝަނަލް ޑިވެލޮޕްމަންޓް އެންޑް ރީފޯމް ކޮމިޝަނުން ބުނީ މިދިޔަ އަހަރު 157 ފިކްސްޑް އެސެޓް އިންވެސްޓްމަންޓަކަށް ހުއްދަ ދީފައިވާއިރު، އެ އިންވެސްޓްމަންޓްތަކުގެ އަގު 1.3 ޓްރިލިއަން ޔުއާން ނުވަތަ 194 ބިލިއަން ޑޮލަރަށް އަރާކަމަށެވެ.
ޗައިނާގެ ނެޝަނަލް ޑިވެލޮޕްމަންޓް އެންޑް ރީފޯމް ކޮމިޝަނުން ބުނީ އިންވެސްޓްމަންޓްތަކުގެ ތެރޭގައި ގިނައިން ހިމެނެނީ ދަތުރުފަތުރުކުރުމާއި ހަކަތައާ ގުޅޭ މަޝްރޫޢުތައްކަމަށެވެ. އެމަޝްރޫޢުތަކުގެ އިތުރުން ޓެކްނޮލޮޖީއާއި ގުޅިގެންހުރި ދާއިރާތަކާއި ފެން ރައްކާތެރިކުރުމާ ގުޅޭ ދާއިރާތަކުގެ މަޝްރޫޢުތައްވެސް ހިމެނޭކަމަށް ޗައިނާގެ ނެޝަނަލް ޑިވެލޮޕްމަންޓް އެންޑް ރީފޯމް ކޮމިޝަނުން ބުނެއެވެ.
ތަފާސް ހިސާބުތައް ދައްކާގޮތުން ޗައިނާގެ ފިކްސްޑް އެސެޓް އިންވެސްޓްމަންޓްތައް ވަނީ އިތުރުވާން ފަށާފައެވެ. އެގޮތުން މިދިޔަ އަހަރެއްހާ ދުވަހުގެ ތެރޭގައި އެ ދާއިރާވަނީ 5.4 އިންސައްތަ ކުރިއަރާފައެވެ. ފިކްސްޑް އެސެޓް އިންވެސްޓްމަންޓްތަކުގެ ތެރެއިންވެސް ހައިޓެކް އިންޑަސްޓްރީތައް ދަނީ އެހެން އިންޑަސްޓްރީތަކަށްވުރެ ބާރަށް ކުރިއަރަމުންކަމަށްވެސް ތަފާސް ހިސާބުތަކުން ދައްކައެވެ.