ދުނިޔެ
އީރާނުގެ އިމާމް ޚުމައިނީ އެއާޕޯޓުން ފުރި މަތިންދާބޯޓެއް ވެއްޓި އެ ބޯޓުން ދަތުރުކުރި އެންމެން މަރުވެއްޖެ
އިރާންގެ ވެރިރަށް ތެހެރާނުން ފުރައިގެން ޔޫކްރެއިންގެ ވެރިރަށް ކިއޭވްއަށް ދަތުރުކުރި، ޔޫކްރެއިން އިންޓަނޭޝަނަލް އެއާލައިންގެ މަތިންދާ ބޯޓެއް ވެއްޓި، ބޯޓުން ދަތުރުކުރި އެންމެން މަރުވެއްޖެއެވެ.
ބޯއިންގ 737 މަރުކާގެ މަތިންދާ ބޯޓު ވެއްޓިފައި ވަނީ، ތެހެރާނުގެ ޚުމައިނީ އިންޓަނޭޝަނަލް އެއާޕޯޓުން ފުރިތާ ކުޑައިރުކޮޅެއްގެ ތެރޭގައެވެ. ކުރޫއިންނާއި އެކު އެ ފްލައިޓުން 170 މީހުން ދަތުރުކުރި ކަމަށާއި އެންމެންވެސް މަރުވެފައިވާކަމުގައި، އީރާނުގެ ޤައުމީ ޓީވީން ވަނީ ބުނެފައެވެ.
ބޯޓު ވެއްޓިފައި ވަނީ ޓެކްނިކަލް މައްސަލައެއްގެ ސަބަބުން ކަމަށް ބުނެފައި ވާއިރު، ބޯޓު ވެއްޓުމުގެ ކުރިން ބޯޓުގައި ހުރީ ވަރަށް ބޮޑަށް އަލިފާން ރޯވެފައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ