ކުށުގެ ވެށިން މީހަކު ފުލުހުންގެ ބެލުމުގެ ދަށަށް ގެންދަނީ: ފައިލް ފޮޓޯ
ސަފާރީއެއްގެ ވެރިމީހާ ސަފާރީއަށް އަރައި އޭގައި ތިބި މީހުންނަށް ބިރު ދެއްކި މައްސަލައެއްގައި އޭނާ ހައްޔަރުކޮށްފިއެވެ.
ސަފާރީ އުޅަނދުގެ ވެރިމީހާ އެއުޅަނދަށް އަރައި އޭގައި ތިބި މީހުންނަށް ބިރު ދައްކާފައި ވަނީ މަސްތުގެ ހާލުގައި ހުރެގެން ކަމުގައި ފުލުހުން ވިދާޅުވެފައިވެއެވެ.
ފުލުހުން ވިދާޅުވީ، އެ މީހާ ހައްޔަރުކޮށްފައި ވަނީ އދ. ދިއްދޫ ބޭރުގައި އަޅާފައިވާ ސަފާރީއަކަށް އަރާ އެ ސަފާރީގައި ތިބި ބަޔަކަށް ސަފާރީގެ ވެރިމީހާ ބިރުދައްކަމުންދާކަމުގެ ރިޕޯޓް ލިބިގެން ފުލުހުން އެ އުޅަނދަށް ގޮސްކަމުގައެވެ. ހައްޔަރުކޮށްފައިވާ މީހާއަކީ އުމުރުން 47 އަހަރުގެ ދިވެހި ފިރިހެނެކެވެ.
މި މައްސަލަ ފުލުހުން ގެންދަނީ އިތުރަށް ތަޙުޤީޤު ކުރަމުންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ