އެމްއެމްޕީއާރުސީގެ ކޮރަޕްޝަންގެ ތަޙްޤީޤަށް ކުރީގެ ރައީސް ޢަބްދުﷲ ޔާމީން ޢަބްދުލްޤައްޔޫމް ފުލުސް އޮފީހަށް ޙާޒިރުވުމަށް އަންގައިފިއެވެ. ފުލުހުން ވަނީ ޔާމީން ފުލުހަށް ހާޒިރުކުރަން ޗިޓް ފޮނުވާފައިވާކަން ކަށަވަރުކޮށްދީފައެވެ. ޕީޕީއެމުން ބުނީ ރައީސް ޔާމީން ފުލުސް އޮފީހަށް ޙާޒިރުކުރަން އަންގާފައިވަނީ މިއަދު މެންދުރު ދޭއް ޖަހާއިރަށްކަމަށެވެ.
ރައީސް ޔާމީންގެ މައްޗަށް އުފުލާފައިވާ މަނީލޯންޑަރިންގެ ތުހުމަތުގެ ޝަރީޢަތް މިހާރު ކޯޓްގައި ދަނީ ކުރިއަށެވެ. އެގޮތުން އެމަނިކުފާނުގެ މައްޗަށް އުފުލާފައިވާ މަނީލޯންޑަރިންގެ ޝަރީޢަތުގެ ހުކުމްކުރުން ވަނީ މާދަމާއަށް ތަޢާވަލުކޮށްފައެވެ.
ޔާމީންގެ މައްޗަށް އުފުލާފައިވާ މަނީލޯންޑަރިންގެ ދަޢުވާއަކީ އެމްއެމްޕީއާރުސީގެ ޚިޔާނާތުގެ ފައިސާއިން އެސްއޯއެފް ކުންފުނިން އެއްމިލިއަން ޑޮލަރު ރައީސް ޔާމީންގެ އެކައުންޓަށް ޖަމާކުރުމުން އެފައިސާއަކީ އަމިއްލަ ފައިސާކަމަށް ބުނެ އޭސީސީއާއެކު އެސްކްރޯ އެކައުންޓެއް ހުޅުވައި ފައިސާ ޖަމާކުރި މައްސަލާގައެވެ.