ފުރަތަމަ ފަހަރަށް އަންހެން ޤައުމީ ބިލިއަރޑް ކުޅުންތެރިން ރޭންކުކުރުމަށްފަހު އިޢުލާންކޮށްފިއެވެ.
މި އަހަރު ބޭއްވުނު ޤައުމީ ތިން މުބާރާތަށް ބެލުމަށްފަހު، 12 ކުޅުންތެރިމްވަނީ ރޭންކުކޮށްފައެވެ. އެގޮތުން، އެއްވަނާގައި 260 ޕޮއިންޓާއެކު ރޭންކުކުރެވުނީ އައިމިނަތު ފާތީއެވެ. އޭނާވަނީ މި އަހަރު ބޭއްވި ޤައުމީ 8 ބޯލް ޗެމްޕިއަންކަމާއި 9 ބޯލް ޗެމްޕިއަންކަންވެސް ހޯދާފައެވެ.
ޤައުމީ ރޭންކިންގެ ދެވަނައަށް ދިޔައީ 240 ޕޮއިންޓް ހޯދި އައިމިނަތު ހަލީމެވެ. ތިންވަނާގައިވަނީ ޤައުމީ 9 ބޯލް ޗެމްޕިއަންޝިޕްގެ އަންހެން ރަނަރަޕް ދީނާ އަޙްމަދެވެ. ދިނާވަނީ ރޭންކިންގައި 230 ޕޮއިންޓް ހޯދާފައެވެ. ރޭންކިންގެ ހަތަރުވަނާގައިވަނީ 9 ބޯލް ޗެމްޕިއަންޝިޕްގެ ތިންވަނަ ހޯދި ފަޒްނާ މޫސާއެވެ. ފަޒްނާވަނީ 170 ޕޮއިންޓް ހޯދާފައެވެ.
މި އަހަރު ޤައުމީ 9 ބޯލް މުބާރާތުގެ އަންހެން ޑިވިޝަންގައި 10 ކުޅުންތެރިން ވާދަކުރިއެވެ.