ބާ ކައުންސިލްގެ އެގްޒެކެޓިވް ކޮމެޓީއަށް މެމްބަރަކު އިންތިހާބު ކުރުމަށް ބާއްވާ ބައި އިލެކްޝަން މި މަހުގެ 28 ވަނަ ދުވަހު ބޭއްވުމަށް އެ ކޮމިޝަނުން ނިންމަވައިއެވެ.
ބާ ކައުންސިލުން ކޮށްފައިވާ ޓުވީޓެއްގައި ވިދާޅުވެފައިވަނީ އެ ކައުންސިލުން ހުސްވެފައިވާ ގޮނޑިއަށް ވަކީލަކު ހޮވުމަށް ބާއްވާ އިންތިޚާބަށް ބޭނުންވާ އެހީތެރިކަމާ ވަސީލަތް ފޯރުކޮށްދެއްވުމާ ބެހޭ ގޮތުން އިލެކްޝަންސް ކޮމިޝަނާއެކު މަޝްވަރާ ކުރައްވާފައިވާކަމަށެވެ. އަދި އިލެކްޝަންސް ކޮމިޝަނުން ވިދާޅުވެފައިވަނީ ބާ ކައުންސިލްގެ އެގްޒެކެޓިވް ކޮމެޓީގެ މެމްބަރަކު ހޮވުމަށް މި މަހުގެ 28ގައި ބާއްވާ ބައި އިލެކްޝަނަށް އެހީތެރިވެ ދިނުމާ ގުޅޭ މަޝްވަރާތައް ކުރައްވާފައިވާ ކަމަށެވެ.
ބާ ކައުންސިލްގެ މެމްބަރެއްގެ ގޮނޑި ހުސްވެފައިވަނީ އެ ކައުންސިލްގައި އިންނެވި އައިޝާ ޝުޖޫން ސުޕްރީމް ކޯޓުގެ ބެންޗަށް އައްޔަން ކުރެއްވުމަށް ރައްޔިތުންގެ މަޖިލީހުން ރުހުން ދެއްވުމާ ގުޅިގެން އެ މަޤާމުން އިސްތިއުފާ ދެއްވުމާ ގުޅިގެންނެވެ.
ޤާނޫނީ ފަންނުގެ ޤާނޫނުގެ ދަށުން އުފައްދާފައިވާ ބާ ކައުންސިލްގެ ފުރަތަމަ އިންތިހާބު ބޭއްވީ މިދިޔަ ޖުލައި މަހުއެވެ.