31 މީހުންނާއެކު ނ.އަތޮޅުން މާލެއަށް ދަތުރުކުރަމުންދިޔަ ފެރީއެއް ފަރަށް އެރުމާ ގުޅިގެން އެމްއެންޑިއެފް ކޯސްޓް ގާޑުން ހަރަކާތެރިވާން ފަށައިފިއެވެ.
އެމްއެންޑީއެފުން ވިދާޅުވީ މި ފެރީން 11 އަންހެނުންނާއި 4 ކުޑަކުދިންނާއި 16 ފިރިހެނުން ދަތުރުކުރަމުންދިޔަ ކަމަށާ، އެއްވެސް މީހަކަށް ގެއްލުމެއް ލިބިފައި ނުވާކަމަށެވެ. "ކޮންފޯޓް އެކްސްޕްރެސް އެމް.އެސް 1" ނަމަކަށްކިޔާ މި ފެރީ ފަރަށް އަރާފައިވަނީ ނޫނު އަތޮޅުން ފުރައިގެން މާލެއަށް ދަތުރުކުރަމުންދަނިކޮށް ކ.އަތޮޅުގެ ރިސޯޓެއްކަމަށްވާ ކަގި މޯލްޑިވްސް ރިސޯޓުގެ ހުޅަނގު ފަރާތު ކަނޑުއޮޅީގެ ފަރަށް ކަމަށް އެމްއެންޑީއެފުން މަޢުލޫމާތުދެއްވައެވެ.
އަދި މިކަމާ ގުޅިގެން ކޯސްޓްގާޑުން ހަރަކާތްތެރިވަމުންދާކަމަށާ، ފެރީ ފަރަށް އެރިކަމުގެ މަޢުލޫމާތު މެރިޓައިމް ކޯޑިނޭޝަން ސެންޓަރަށް ލިބިފައިވަނީ މިރޭ 21:46 ހާއިރު ކަމަށްވެސް އެމްއެންޑީއެފުން މަޢުލޫމާތުދެއެވެ.