ޢުމުރުން އެންމެ 15 ދުވަސްވީ ތުއްތު ކުއްޖެއްގެ ސިއްޙީ ހާލު ދެރަވެ، އަވަސް ފަރުވާއަށް ބޭނުންވެފައިވަނިކޮށް އަތްދަނޑިމަތީ އެކުއްޖާ އުފުލައިގެން ސެނެހިޔާއަށް ގެންގޮސް ސިފައިނެގް އޮފިސަރަކު އެހީތެރިކަން ފޯރުކޮށްދީފިއެވެ.
ހ.ފެންނާގެ ހަވަނަ ފަންގި ފިލާގައި އޮތް ޢުމުރުން އެންމެ 15 ދުވަސްވީ ތުއްތު ކުއްޖަކު ނޭވާހުއްޓިގެން ސިއްޙީ އަވަސްފަރުވާއަށް ބޭނުންވެފައިވަނިކޮށް އަތްދަނޑިމަތީ އެކުއްޖާ ސެނެހިޔާ ހޮސްޕިޓަލަށް އުފުލައިގެން ގެންގޮސްފައިވަނީ އެންއެންޑީއެފް ކޯސްޑްގާޑުގައި މަސައްކަތްކުރާ ޕްރައިވެޓް އިބްރާހިމް ސިނާންއެވެ. މަޢުލޫމާތު ލިބިފައިވާގޮތުގައި 15 ދުވަހުގެ އެ ތުއްތު ކުއްޖާގެ ފުރާނަ ވަނީ ސަލާމަތްވެފައެވެ.
އެމްއެންޑީއެފުން މަޢުލޫމާތުދޭގޮތުގައި ތުއްތު ކުއްޖާ އޮތް ގޭގެ ލިފްޓުހުރީ ހުއްޓިފައެވެ. 15 ދުވަހުގެ އެ ތުއްތުކުއްޖާއަށް އެހީތެރިވެދިން ސިފައިންގެ އޮފިސަރަށް ގިނަ ބަޔަކު އަންނަނީ ތަޢުރީފްކުރަމުންނެވެ.
މިދޔަމަހު މާލޭގައި ކަފިހި ހުރަހަކުން މަގު ހުރަސްކުރަނިކޮށް ދުއްވާފައި ދިޔަ ސައިކަލަކުން ޖެހި އަނިޔާވި 17 އަހަރުގެ އަންހެން ކުއްޖަކަށް ފަރުވާދިނުމަށް ކޮނޑުމަތީގައި އޭޑީކޭ ހޮސްޕިޓަލަށް ގެންގޮސްފައެވެ.