ހދ.ނޮޅިވަރަންފަރު
10މީހުންނާއެކު ހދ.ނޮޅިވަރަންފަރުން ފުރި ލޯންޗެއް ބަންޑުން ޖަހާލައި 3 މީހަކު ގެއްލިގެން ހޯދަންފަށައިފިއެވެ.
މި ލޯންޗުން ދަތުރުކުރީ ކުޑަކުއްޖަކާއި އިތުރު 9 މީހުންނެވެ. އެމްއެންޑީއެފުން ވިދާޅުވީ އެލޯންޗަކީ، ހދ.ނޮޅިވަރަންފަރުން ފުރައިގެން ހދ.ހަނިމާދުއަށް ދަތުރުކުރި ކުޑަ ލޯންޗެއް ކަމަށެވެ. މިލޯންޗުވަނީ ހަނިމާދޫއާ ދިމާ ބޭރުން ބަންޑުން ޖަހާލާފައިކަމަށާ، ލޯންޗުން ދަތުރުކުރި 10 މީހުންގެ ތެރެއިން 7 މީހުންވަނީ އެމްއެންޑީއެފުގެ ޑިންގީއެއްގައި ހަނިމާދޫއަށް ގެންގޮސްފައިކަމަށް އެމްއެންޑީއެފުން ވިދާޅުވެއެވެ.
ލޯންޗުން ދަތުރުކުރި މީހުންގެތެރެއިން ކުޑަކުއްޖާއާއި 2 އަންހެނުން އަދި ފެނިފައިނުވާކަމަށް އެމްއެންޑީއެފުން ވިދާޅުވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ