ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙު، އީޔޫގެ ޔޫރަޕިއަން ކޮމިޝަންގެ ވައިސް ޕްރެޒިޑެންޓް ފެޑެރިކާ މޮގެރިނީއާ ބައްދަލުކުރައްވައިފިއެވެ.
ރައީސުލް ޖުމްހޫރިއްޔާގެ އޮފީހުގައި އޮތް މިބައްދަލުކުރެއްވުމުގައި ފޮރިންމިނިސްޓަރ ޢަބްދުﷲ ޝާހިދާއި ރައީސް އޮފީހުގެ އިސްބޭފުޅުން ބައިވެރިވެ ވަޑައިގެންފައިވެއެވެ. ރައީސުލް ޖުމްހޫރިއްޔާގެ އަރިހަށް އެކަމަނާ ކުރެއްވި ޒިޔާރަތުގައިވަނީ އެއޮފީހަށް ވަޑައިގަންނަވާ ޢިއްޒަތްތެރިން ސޮއިކުރައްވާ ފޮތުގައި ސޮއިކުރައްވާފައެވެ. ރައީސް ޞާލިޙުގެ އިތުރުން ފޮރިން މިނިސްޓަރ ޢަބްދުﷲ ޝާހިދުވެސް ވަނީ މިއަދު އެކަމަނާއާ ބައްދަލުކުރައްވާފައެވެ.
ފޮރިން މިނިސްޓަރ އަބްދުﷲ ޝާހިދުގެ ދައުވަތަކަށް މިސް ފެޑެރިކާ މޮގެރިނީ ކުރައްވާ މިދަތުރުފުޅަކީ ދިވެހިރާއްޖެއާއި ޔޫރަޕިއަން ޔޫނިއަންއާއި ދެމެދު ބަދަހިވެފައިވާ ގުޅުމުގެ ރަމްޒެއްކަމަށް ފޮރިން މިނިސްޓްރީން ވިދާޅުވެއެވެ. މިދަތުރުފުޅުގައި މިނިސްޓަރ އަބްދުﷲ ޝާހިދާއި ޑިފެންސް މިނިސްޓަރ މާރިޔާ އަޙުމަދު ދީދީ ފެޑެރިކާ މޮގެރިނީއާ ބައްދަލުކުރައްވައި މަޝްވަރާ ކުރައްވުމަށް ހަމެޖހިފައިވާކަމަށްވެސް ފޮރިން މިނިސްޓްރީން ވިދާޅުވެއްޖެއެވެ.
މިދަތުރުފުޅުގައި އެކަނާ ރައްޔިތުންގެ މަޖިލީހަށް ވަޑައިގެން، މިއަދު ހަވީރު މަޖިލީހުގައި ތަޤްރީރުކުރެއްވުމށްވެސް ވަނީ ހަމަޖެހިފައެވެ.