މާލޭގެ ސޯސަން މަގުގައި ހުރި ގެއެއްގައި އަލިފާނުގެ ހާދިސާއެއް ހިނގައިފިއެވެ.
އެމްއެންޑީއެފް އިން ވިދާޅުވީ ސޯސަން މަގުގައި ހުންނަ ހ.ޓެންސްސްޓަރ ގޭގައި އަލިފާނުގެ ހާދިސާއެއް ހިނގައިގެން އެމްއެންޑީއެފްގެ ފަޔާ އެންޑް ރެސްކިއު ސާވިސަސްއިން ހަރަކާތްތެރިވަމުންދާކަމަށެވެ.
އަދި މިހާރު އަލިފާން ކޮންޓްރޯލް ކޮށްފައިވާކަމަށާއި މިހާދިސާގައި އެއްވެސް މީހަކަށް އަނިޔާލިބިފަ ނުވާކަމަށް އެމްއެންޑީއެފްއިން ވިދާޅުވެއެވެ. އެމްއެންޑީއެފްއިން ވިދާޅުވީ އަލިފާން ރޯވެފައިވަނީ އެގޭގެ ޓެރަހުގައި ހަދާފައި ހުރި ކުޑަ ގެ ގަނޑެއްގައި ކަމަށެވެ.
އަލިފާން ކޮންޓްރޯލް ކޯށްފައިވަނީ 11:35 ހާއިރުގައެވެ. މިހާދިސާގެ މަޢުލޫމާތު އެމްއެންޑީއެފަށް ލިބުނީ މިއަދު ހެނދުނު 11:11 ހާއިރުއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ