ތައިލެންޑްގެ ބެންގކޮކްގައި ދިރިއުޅޭ ދިވެހިން ގިނަ މީހުން އެއްވެ އުޅޭތަންތަނަށް ނުދިއުމާށާއި، އަބަދުވެސް ޕާސްޕޯޓު އަތުގައި ގެންގުޅުމަށް ރާއްޖޭގެ ފޮރިންގ މިނިސްޓްރީން އިލްތިމާސްކޮށްފިއެވެ.
މިނިސްޓްރީން މިކަމަށް އިލްތިމާސްކުރެއްވީ ތައިލެންޑުގެ ވެރިރަށް ބެންކޮކުގައި ބޮންތަކެއް ގޮއްވާލައި 4 މީހުން މިއަދު ޒަޚަމްވުމާއި ގުޅިގެންނެވެ. މިނިސްޓްރީން ވަނީ ދިވެހިން އެ ޤައުމުގައި އުޅޭއިރު ސަމާލުވުމަށްވެސް އިލްތމާސްކުރައްވާފައެވެ. ބެންގކޮކުގައި ހިނގި ބޮންގޮއްވުމުގެ ހާދިސާގައި ޒަޚަމްވެފައިވަނީ އެޤައުމުގެ 4 ރައްޔިތެކެވ.
ބެންގކޮކުގެ އެކި ހިސާބުތަކުގައި ބޮންތަކެއް ގޮއްވާލާފައި މިވަނީ އެޤައުމުގައި ކުރިއަށްދާ އާސިއާންގެ ޤައުމުތަކުގެ ޚާރިޖީ ވަޒީރުންގެ ބައްދަލުވުން ކުރިއަށްދާ ދަނޑިވަޅެއްގައެވެ. މި ހަމަލާއާއި ގުޅިގެން ބެންކޮކްގެ ސަލާމަތީ ކަންކަން ވަނީ ވަރުގަދަކޮށްފައެވެ.