ހިޔާ މަޝްރޫޢުގެ ދަށުން އެމްޓީސީސީގެ މުއައްޒަފުންނަށް ޚާއްސަ ކުރެވިގެން ހުޅުމާލެ ދެވަނަ ފިޔަވަހީގައި ތަރައްޤީކުރެވޭ ދެ ޓަވަރުގެ ތެރެއިން "ޓަވަރ އޭ" ގެ ފައުންޑޭޝަން އަޅައިފިއެވެ.
ހައުސިންގ ޑިވެލޮޕްމަންޓް ކޯޕަރޭޝަން, އެޗްޑީސީ އަދި އެމްޓީސީސީ އާއިދެމެދު ވެފައިވާ އެއްބަސްވުމުގެ ދަށުން ކުންފުނީގެ މުވައްޒަފުންނަށް ބޯހިޔާވަހިކަން ކަށަވަރުކޮށްދިނުމަށް އެމްޓީސީސީ އާއި ހަވާލުކުރެވިފައިވާ 24،000 އަކަފޫޓު ގެ ބުމުގައި 15 ބުރީގެ 2 ޓަވަރު ތަރައްޤީކުރުމަށް ވަނީ ނިންމާފައެވެ.
މި މަޝްރޫޢުގެ ދަށުން ޖުމުލަ 400 ފްލެޓް ތަރައްޤީ ވެގެން ދާއިރު، އިމާރާތުގެ ކޮންމެ ޓަވަރެއްގައި އެއްކޮޓަރީގެ 80 ފްލެޓާއި، ދެ ކޮޓަރީގެ 60 ފްލެޓާއި، ދެ ކޮޓަރިއާއި އެއް މެއިޑްރޫމު ހިމެނޭހެން 60 ފްލެޓް ތަރައްޤީކުރުމަށް ވަނީ ނިންމާފައެވެ.
ސިންގަޕޫރުގެ އާރް.އައި އިންޖިނިއަރިނގް ވަރކްސް ޕްރައިވެޓް ލިމިޓެޑާއި ހަވާލުކުރެވިގެން ކުރިއަށްގެންދާ މި މަޝްރޫޢުއަށް ޖުމުލަ 390 މިލިއަން ރުފިޔާ ޚަރަދު ވާނެއެވެ.
މިމަޝްރޫޢު ކުރިއަށް ގެންދިޔުމަށް އާރް.އައި އިންޖިނިއަރިނގް ވަރކްސް ޕްރައިވެޓް ލިމިޓެޑާއި ހަވާލުކުރެވިފައިވަނީ 24 ޑިސެމްބަރ 2017ގައެވެ.
ހިޔާ މަޝްރޫޢުގެ ދަށުން ފްލެޓް ހޯދުމަށް މިހާތަނަށް އެމްޓީސީސީގެ 65 މުވައްޒަފަކު ބުކިން ފީ ދައްކާފައިކަމަށް އެކުންފުނިން ބުނެއެވެ.