ރައްޔިތުންގެ މަޖިލީހުގެ ފެލިދޫ ދާއިރާއަށް ވާއްދަކުރައްވާ ނާކާމިޔާބުވެވަޑައިގެންނެވި މުޙައްމަދު މަބްރޫކް އަޒީޒް ރައީސުލްޖުމްހޫރިއްޔާގެ އޮފީހުގެ ސިޔާސީ މަޤާމަށްކަށް ޢައްޔަންކުރައްވައިފިއެވެ. މަބްރޫކް ޢައްޔަނުކުރައްވާފައިވަނީ ރައީސުލްޖުމްހޫރިއްޔާގެ އޮފީހުގެ ކޮމިއުނިކޭޝަން އަންޑާސެކްރެޓަރީގެ މަގާމަށެވެ.
ރައްޔިތުންގެ މަޖިލީހުގެ އިންތިޚާބުގައި ފެލިދޫ ދާއިރާއަށް އެމްޑީޕީގެ ފަރާތުން ވާދަކުރައްވާ މަބްރޫކް ނާކާމިޔާބުވެވަޑައިގެންފައިވަނީ 54 ވޯޓުންނެވެ. އޭނާއާ ވާދަކުރައްވާ އެދާއިރާގެ ގޮނޑި ކާމިޔާބުކުރައްވާފައިވަނީ ޕީއެންސީގެ ފަޒުލް ރަޝީދެވެ.
މި ސަރުކާރުގެ ސިޔާސީ މަޤާމުތަކުގެ ޢަދަދު މަދުވާނެކަމަށް ބުރާސްފަތި ދުވަހު ނޫސްވެރިންނާއި ބައްދަލުކުރައްވާ ރައީސުލްޖުމްހޫރިއްޔާ ވަނީ ވިދާޅުވެފައެވެ. އެގޮތުން ކުރީގެ ރައީސް ޔާމީންގެ ސަރުކާރުގެ ސިޔާސީ މަގާމުތަކުގެ އަދަދީ 465 ކަމަށާއި، މިހާރުގެ ސަރުކާރުގެ ސިޔާސީ މަގާމުތަކުގެ އަދަދަކީ 337 ކަމަށް ރައީސް ވިދާޅުވިއެވެ. އެމަނިކުފާނު ވަނީ ސިޔާސީ މަޤާމުތައް ކުރީ ސަރުކާރަށްވުރެ މަތި ނުކުރައްވާނެކަމުގެ ޔަޤީންކަން ދެއްވާފައެވެ.