ޤަވައިދާ ހިލާފަށް ޕާކުކޮށްގެން މިދިޔަ ހަފްތާގެ ތެރޭގައި 1300 ވުގެ ގިނަ އުޅަނދުގައި ސްޓިކާ ޖަހާފައިވާކަމަށް ފުލުހުން ބުނެފިއެވެ.
ކޮންމެ ހަފްތާއަކު އެއްފަހަރު ފުލުހުން އާއްމުކުރަމުން އަންނަ ތަފާސް ހިސާބުތައް ދައްކާގޮތުން ޤަވައިދާ ހިލާފަށް ޕާކުކޮށްގެން މިިމަހުގެ 22 ވަނަ ދުވަހުން ފެށިގެން 28ގެ ނިޔަލަށް ޖުމްލަ 1350 އުޅަނދެއްގައިވަނީ ސްޓިކާ ޖަހާފައެވެ. މީ އޭގެ ކުރީގެ ހަފްތާއާއި އަޅާ ބަލާއިރު 350 ސްޓިކަރ އިތުރު އަދަދެކެވެ.
ޢަވައިދާ ހިލާފަށް ޕާކުކުރާ އުޅނދު ދަހަރަކުތަކުން ފުރތމަ ފަހަރު ޖޫރިމަނާ ކުރަނީ 250 ރުފިޔާއިންނެވެ. ދެވަނަ ފަހަރު އެ އަދަދު 500 ރުފިޔާއަށް ިއތުރުވެއެވެ. އަދު އޭގެ ފަހުން ޖަހާ ކޮންމެ ފަހަރަކަށް 750 ރުފިޔާ ނަގައެވެ.
ފުލުހުންގެ ތަފާސް ހިސާބުތައް ދައްކާގޮތުން މި ދިޔަ ހަފްތާގައި މާލޭ ސަރަހައްދުގައި ހިނގި އެކްސިޑެންޓްގެ އަދަދު ވަނީ 34 އަރާފައެވެ. އަދި މި އެކްސިޑެންޓްތަކުގައި 20 މީހަކަށް އެކިވަރުގެ އަނިޔާވެފައިވެއެވެ. އަދި އެކްސިޑެންޓްތަކާއި ގުޅިގެން 5 މީހެއްގެ ލައިސަންސް ހިފަހައްޓާ ފައިވާކަމަށްވެސް ފުލުހުން ބުނެއެވެ.
މިދިޔަ ހަފްތާގައި ފުލުހުން ވަނީ 591 އުޅަނދެއް ބަލާ ފާސްކޮށްފައެވެ. އަދި 44 ވެހިކަލެއް މިދިޔަ ހަފްތާގއި ޓޯކޮށްފައިވެއެވެ. އޭގެތެރޭގައި ހިމެނެނީ 4 ފުރޮޅުގެ 5 ވެހިކަލަކާއި 39 ސައިކަލެކެވެ.
މިދިޔަ ހަފްތާގައި ލައިސަންސް ނެތި ދުއްވި 117 މީހަކު ފުލުހުން ހިފައްހައްޓާފައިވެއެވެ. އޭގެ ތެރޭގައި 18 އަހަރު ނުފުރޭ 2 ކުއްޖަކުވެސް ހިމެނެއެވެ. ފުލުހުންގެ ހިސާބުތައް ދައްކާގޮތުން ލައިސަނަސް ކާދު ނުލާ ދުއްވި 85 މީހަކާއި މުއްދަތު ހަމަވެފައިވާ ލައިސަންސް ގެންގުޅުނު 11 މީހެއްވެސް ފުލުހުން ވަނީ ހިފަހައްޓާފައެވެ.
މީގެ އިތުރުން ޤަވައިދާ ހިލާފަށް ޓެކްސީ ކުރި 2 މައްސަލައަކާއި ހެލްމެޓް ނާޅާ ދުއްވި 5 މައްސަލަަކާއި ބާރު ސްޕީޑްގައި ދުއްވި 82 މައްސަލައެއްވެސް ފުލުހުން މިދިޔަ ހަފްތާގައިވަނީ ބަލާފައެވެ.