ކޮމިޝަން ފޮރ ޕްރިޒަންސް އޯޑިޓުން ނެރުނު ދިވެހިރާއްޖޭގެ ޖަލުތަކުގެ އޯޑިޓް ރިޕޯޓް ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދަށް އަރުވައިފިއެވެ.
މި ރިޕޯޓް މަޖިލީހުގެ ރައީސަށް އަރުވާފައިވަނީ ހޯމް މިނިސްޓަރ ޝައިޚް އިމްރާން ޢަބްދުﷲ އާއި ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު ބޭއްވެވި ބައްދަލުކުރެއްވުމުގައެވެ. މި ބައްދަލުކުރެއްވުން ބާއްވަވާފައިވަނީ މިއަދު ރައްޔިތުންގެ މަޖިލީހުގެ އިދާރާގައެވެ.
"ދިވެހިރާއްޖޭގެ ޖަލުތަކުގެ އޮޑިޓް ރިޕޯޓް 2019" އަކީ ރައީސުލްޖުމްހޫރިއްޔާ އިބްރާހިމް މުޙައްމަދު ސާލިޙުގެ ސަރުކާރުގެ މަސައްކަތު ފުރަތަމަ ސަތޭކަ ދުވަހުގެ ވައުދުގެ ތެރޭގައި ހިމަނައިގެން އެކުލަވާލާފައިވާ ރިޕޯޓެކެވެ. މި ރިޕޯޓު ތައްޔާރުކޮށްފައިވަނީ އެކަމަށްޓަކައި ހޯމް މިނިސްޓްރީން އެކުލަވާލި ކޮމިޝަން ފޮރ ޕްރިޒަންސް އޯޑިޓުންނެވެ. މި ރިޕޯޓަކީ ރާއްޖޭގެ ޖަލުތަކުގެ ހާލަތު ރަނގަޅުކުރުމަށް ސަރުކާރުން ކުރަމުންދާ މަސައްކަތުގެ ދަށުން އެކުލަވާލާފައިވާ ރިޕޯޓެކެވެ.