އަޔެލްސްގެ ކެޕްޓަން އަދި ޑިފެންޑަރު މަތިއަސް ޑިލައިޓް ގަތުމަށް މެންޗެސްޓާ ޔުނައިޓެޑުން 70 މިލިއަން ޕައުންޑް ދޭން ތައްޔާރުވެއްޖެއެވެ.
ޑިލައިޓްގެ ސޮއި އެއްވެސް ކުލަބަކަށް މިހާތަނަށް ހޯދިފައިނުވަނީ އޭނާގެ އެޖެންޓް ބުނާ އަދަދަށް އެޖެންޓް ފީ ދިނުމަށް ކުލަބުތަކުން ދެކޮޅު ހަދާތީއެވެ. ޑިލައިޓްގެ އެޖެންޓް މިނޯ ރައިއޯލާ ކިޔާ އަގަކީ 12 މިލިއަން ޕައުންޑް. މިއީ އާއްމުކޮށް އެޖެންޓުން ކިޔާ އަގަށްވުރެ ބޮޑު ފީއެކެވެ.
ނަމަވެސް ޔުނައިޓެޑުން އޮތީ ޔޫރަޕުގައި މިވަގުތު ހުރި އެންމެ އުއްމީދީ ޑިފެންޑަރު ހޯދުމަށް އެޖެންޓަށް ކިތަންމެ ބޮޑު ފީއެއް ދޭން ވެސް ތައްޔާރުވެފައެވެ.
ޑިލައިޓް ގަތުމަށް ޔުނައިޓެޑުން ކިޔާ އަގަކީ 70 މިލިއަން ޕައުންޑް. އެއީ ހަފުތާއަކު ތިންލައްކަ ފަންސާސްހާސް ޕައުންޑްގެ މުސާރައަކާއެކުގައެވެ. އޭނާ ހޯދުމަށް ދެން މަސައްކަތް ކުރަނީ ސްޕޭނުގެ ބާސެލޯނާއެވެ.