އދ.މާމިގިލީ އެއަރޕޯޓްގައި ބޭނުންކުރާ ފަޔަރ ލޮރީ ކޮންޓްރޯލް ނުވެގެން ހިނގި އެކްސިޑެންޓްގައި ހާނީއްކަވެ ޙާލު ސީރިއަސްވި މީހާ ނިޔާވެއްޖެއެވެ.
އެމީހާ ނިޔާވީ ބޯފަޅައިގެންގޮސް ޙާލު ސީރިއަސްވެގެން އދ.މަހިބަދޫގައި ހުންނަ އެއަތޮޅު އަތޮޅު ހޮސްޕިޓަލުން ފަރުވާދެމުންދަނިކޮށެވެ.
އަނެއް 3 މީހުންގެތެރެއިން ދެ މީހެއްގެ ފައި ބިންފައިގެންގޮސްފައިވަކަށާ، އެކަކު ކަކުލަށް ހާނީއްކަވެފައިވާކަމަށްވެސް ފުލުހުން މަޢުލޫމާތުދެއްވައެވެ.
މި ހާދިސާގައި އަނިޔާވި ހަތަރު މީހުން އިތުރު ފަރުވާއަށް މާލެ ފޮނުވާލާފާއިވާކަމަށް އެރަށު ކައުންސިލްގެ ނާއިބު ރާއީސް ވިދާޅުވިއެވެ. ފުލުހުން ވިދާޅުވީ މިހާދިސާ ހިންގާފައިވަނީ ވިލާ އިންޓަރނޭޝަނަލް އެއަރޕޯޓްގައި ބޭނުންކުރާ އަލިފާން ނިއްވާ ލޮރީ ކޮންޓްރޯލް ނުވެގެންކަމަށެވެ.
މަންޒަރު ދުށް މީހަކު ބުނީ މިހާދިސާ ހިނގީ ފަޔަރ ލޮރީ ފަހަތަށް ޖަހަނިކޮށް ކޮންޓްރޯލް ނުވެގެން އެތަނުގެ ކައިރީގައި ހުރި ޖޯޔެއްގައި ތިބި ބައެއްގެ ގައިގައި ޖެހިގެންކަމަށެވެ. އަދި މިހާދިސާގައި ހާނީއްކަވި މީހުންނަކީ ފަޔަރުގައި މަސައްކަތްކުރާ މުވައްޒަފުންކަމަށްވެސް މާމިގިލީ ކައުންސިލުން މައުލޫމާތުދެއްވައެވެ.