ނެޓްބޯލް އެސޯސިއޭޝަން އޮފް މޯލްޑިވްސްގެ ރައީސްއަކަށް ފަޒްނާ ޖަލީލް ހޮވިއްޖެއެވެ.
އެސޯސިއޭޝަންގެ ރައީސްއަކަށް ފަޒްނާ ހޮވިފައިވަނީ އިންތިހާބްގައި ވޯޓްލީ ކުލަބްތަކުގެ ފުރިހަމަ އަގްލަބިއްޔަތުންނެވެ. މި އިންތިހާބްގައި 9 ކުލަބްއަކުން ވޯޓްލާފައިވާއިރު ފަޒްނާއަށް 9 ވޯޓް ލިބިފައިވެއެވެ. ރައީސްކަމަށް އިންތިހާބްވި ފަޒްނާގެ އިތުރުން އެސޯސިއޭޝަންގެ ކޮންމެ މަގާމްއަކަށްވެސް ކުރިމަތިލާފައިވަނީ އެންމެ ބޭފުޅެކެވެ، އަދި ކޮންމެ ބޭފުޅަކަށްވެސް ފުރިހަމަ އަގްލަބިއްޔަތުން ވޯޓް ލިބިފައިވެއެވެ.
ނެޓްބޯލް އެސޯސިއޭޝަން އޮފް މޯލްޑިވްސްގެ ނައިބް ރައީސްއަކަށް ހޮވިފައިވަނީ މުތުހިރާ އާދަމެވެ. ހަޒާންދާރުއަކަށް ހޮވިފައިވަނީ ފާތިމަތު ލީނާއެވެ، އެސޯސިއޭޝަންއަށް އިތުރު 6 މެމްބަރުންނަށް ހޮވިފައިވަނީ އަހުމަދު އައިފާން، ނުޒުހަތު އަލީ، މަޢުމޫނާ އަބްދުﷲ، އާމިނަތު ލީލާ، އިބްރާހިމް މޫސާ އަދި އައިޝަތު ނައުރާއެވެ.
މި އިންތިހާބްގައި ވޯޓް ލާފައިވާ 9 ކުލަބްއަކީ ލޮރެންޒޯން ސްޕިޓްސް ކުލަބް، ސްޕޯޓްސް ކުލަބް ސްކައިފާރތް، ސްޕޯޓްސް ކުލަބް ޝައިނިން ސްޓަރ ކުޅުދުއްފުށި ޔޫތް އެންޑް ރެކްރިއޭޝަން ކުލަބް، ޔޫތު ޔުނައިޓަޑް ސްޕޯޓްސް ކުލަބް، ކުލަބް މެޓްރިކްސް، ޔުނައިޓެޑް ޔުނިޓީ ސްޕޯޓްސް ކުލަބް، ޒެނިތް ސްޕޯޓްސް ކުލަބް އަދި މަހިބަދޫ ސްޕޯޓްސް ކުލަބެވެ.