ބޭންކް އޮފް މޯލްޑިވްސްއިން ހއ އިހަވަންދޫ 4 މީހަކަށް ވީލްޗެއަރ ހަދިޔާކޮށްފިއެވެ.
މިކަމާއި ގުޅޭގޮތުން ޤައުމީ ބޭންކުން ބުނީ، މިއީ ހާއްސަ އެހީއަށް ބޭނުންވާ ފަރާތްތަކަށް އެހީވުމަށް ކުރިއަށް ގެންދާ މޮޓޮރައިޒްޑް ވީލް ޗެއަރ ހަދިޔާކުރުމުގެ ޕްރޮގްރާމްގެ ދަށުން ހަދިޔާކުރި ތަކެތިކަމަށެވެ.
ބީއެމްއެލްއިން ބުނީ، މި އަހަރުގެ ތެރޭގައި ރާއްޖޭގެ އެކި ކަންކޮޅުތަކުގައި ދިރިއުޅެމުންދާ 60 ފަރާތަކަށް ވީލްޗެއަރ ދިނުމަށް ނިންމާފައިވާކަމަށެވެ.
ބީއެމްއެލްއިން މި ވީލްޗެއަރތައް ހަދިޔާކުރަމުންދަނީ ދިރިއުޅުމުގައި ހިނގާބިނގާވެ އުޅުމުގައި ނުކުޅެދުންތެރިކަން ހުންނަ އަދި މޮޓްރައިޒްޑް ވީލްޗެއަރ އަމިއްލަ އަށް ދުއްވޭ މީހުންނަށެވެ. މި ގޮތަށް ބޭންކުން ވީލްޗެއަރ ހަދިޔާ ކުރާއިރު، އެ ރަށެއްގައި އެ ވަގުތު ތިބި މޮޓްރައިޒްޑް ވީލްޗެއަރ ބޭނުންވާ ހުރިހާ މީހުނަށް ބޭންކުން މިފަދަ ވީލްޗެއަރ ހަދިޔާކުރަމުންދާކަމަށް ބީއެމްއެލްއިން ބުނެއެވެ.
"މުޖުތަމައަށް އެހީތެރިކަން ފޯރުކޮށްދިނުމަށް ބޭންކުން އަބަދުވެސް ވަރަށް ބޮޑު އަހަމިއްޔަތުކަމެއްދެން. މި ޚާއްސަ މޮޓޮރައިޒްޑް ވީލްޗެއަރތަކުގެ ސަބަބުން ގިނަ ބައެއްގެ ދިރިއުޅުމަށް އެކަމުގެ ހެޔޮ ބަދަލު އައުމަކީ އަޅުގަނޑުމެންނަށް ލިބޭ ވަރަށް ބޮޑު އުފަލެއް. ބޭންކުގެ އަމާޒަކީ މި ޕްރޮގްރާމް ނިމިގެންދާއިރު މުޅި ރާއްޖޭގައި މޮޓްރައިޒްޑް ވީލްޗެއަރ އަށް ބޭނުންވާ ހުރިހާ ފަރާތްތަކަށް އެ ފަދަ ވީލްޗެއަރ ހަދިޔާކޮށްދިނުންބީއެމްއެލްގެ ޑެޕިއުޓީ ސީއީއޯ އައިޝަތު ނޫރައްދީން
ބީއެމްއެލް އިންވަނީ މީގެކުރިން 7 ރަށެއްގައި ދިރިއުޅެމުންދާ 16 މީހަކަށް މޮޓްރައިޒްޑް ވީލްޗެއަރ ހަދިޔާކޮށްފައެވެ. އޭގެ ތެރޭގައި ހިމެނެނީ، ހއ. ދިއްދޫ، ރ. އުނގޫފާރު، ބ. އޭދަފުށި، ޅ.ނައިފަރު، ކ.މާފުށި، އއ.ރަސްދޫ، އަދި ސ. ހުޅުމީދޫ އެވެ.
ބޭންކް އޮފް މޯލްޑިވްސްގެ އިޖުތިމާއީ ޒިއްމާގެ ދަށުން އެ ބޭންކުން އަންނަނީ މުޖުތަމައުގެ ލާބައަށް ގިނަ ކަންތައްތަކެއް ކުރަމުންނެވެ. މީގެ ތެރޭގައި ހާއްސަ އެހީއަށް ބޭނުންވާ މީހުންގެ އިތުރުން ޖަމިއްޔާ ޖަމާއަތްތަކުގެ އިތުރުން އަމިއްލަ ފަރުދުންނަށް އަމާޒުކޮށް ހިންގަމުން އަންނަ އެކިއެކި ޕްރޮގްރާމުތައް ހިމެނެއެވެ.