ރާއްޖޭގެ ސިޔާސީ ދާއިރާގައި މިހާރު ހިނގަމުންދާކަންކަމާމެދު ކަންބޮޑުވެވަޑައިގަންނާވާ ކަމާށާއި، މިކަންކަމަށް ސުލްހަވެރި ހައްލެއް ސަރުކާރުން ހޯއްދަވައިދެއްވާނެކަމަށް އުންމީދުކުރައްވާކަމަށް އިނގެރޭސިވިލާތުން ދިވެހިރާއްޖެއަށް ކަނޑައަޅުއްވާފައި ހުންނަވާ ހައިކޮމިޝަރ ޖޯން ރެންކިން ވިދާޅުވެއްޖެއެވެ.އެމް.ބީ.ސީ ނިއުސްއަށް ދެއްވި ޚާއްސަ އިންޓަރވިއުއެއްގައި ވާހަކަދައްކަމުން ސަފީރު ޖޯން ރެންކިން ވިދާޅުވީ ރާއްޖޭގެ ސިޔާސީ ދާއިރާގެ ކަންކަން ބޮއްސުންލައިގެންގޮސް ހަމަނުޖެހުމުގެ ތެރެއަށް ވެއްޓެން އިނގެރޭސި ސަރުކާރުން ނޭދޭކަމަށެވެ.ސިޔާސީ ދާއިރާގައި ހިނގަމުންދާ ކަންކަމުގެ ތެރެއިން އެންމެ ބޮޑަށް ކަންބޮޑުވެވަޑައިގަންނަވަނީ ކުރީގެ ރައީސް މުހައްމަދު ނަޝީދު ހައްޔަރު ކުރުމުން ކަމަށް ރެންކިން ވިދާޅުވިއެވެ. އަދި ރައީސް ނަޝީދުގެ ޝަރިއްއަތް ކުރިއަށްގެންދާނަމަ ޤާނޫނާއި ޤަވާއިދާއެއްގޮތަށް ކުރިއަށްގެންދިއުމަށްވެސް ރެންކިން ވިދާޅުވިއެވެ.އޭނާ އިތުރަށް ވިދާޅުވީ ރާއްޖޭގައި ހިންގާ ކަންކަމާމެދު ކަންބޮޑުވެވަޑައިގަންނަވަނީ ރާއްޖެއަށް ރަނގަޅުގޮތް އެދޭތީކަމަށާއި، ޤައުމުގެ ދާޚިލީ ކަންކަން ނިންމާނީ އެޤައުމެއް އަމިއްލައަށްކަމަށެވެ.ރެންކިން ވިދާޅުވީ އިގެރޭސި ސަރުކާރުން ރާއްޖޭގެ ސަރުކާރާ ވަރައްގާތް ގުޅުމެއް ބާއްވަމުންދާކަމަށާއި، ފަންނީ އެހީ ބޭނުންކޮންމެ ދާއިރާއަކުން ރާއްޖެއަށް ފޯރުކޮށްދޭނެކަމަށް ރެންކިން ވިދާޅުވިއެވެ.