ޕަބްލިކް ސާވިސް މީޑިއާ، ޕީއެސްއެމްގެ ބޯޑު މެންބަރު ކަމަށް ހއ. ހޯރަފުށީ، ދަނބުރުއްދޮށުގޭ އަލީ މިދުހަތު ޢައްޔަންކޮށްފިއެވެ.
މިދުހަތަކީ ސަން މީޑިއާ ގުރޫޕުގައި ގިނަ ދުވަސްތަކެއް ވަންދެން މަސައްކަތްކޮށްފައިވާ ބޭފުޅެކެވެ. އޭނާ ސަން ޓީވީ ހުއްޓާލުމާ ޖެހެންދެން ހުންނެވީ އެ ޓީވީގެ ސްޓޭޝަން އިންޗާޖަކަށެވެ.
ޕީއެސްއެމްގެ ބޯޑަށް މިދުޙަތު ޢައްޔަން ކުރެއްވިއިރު އެ ބޯޑަށް މިހާރު ވަނީ އައު މެނޭޖިންގ ޑިރެކްޓަރަކާއި ޑެޕިއުޓީ މެނޭޖިންގ ޑިރެކްޓަރެއް ޢައްޔަން ކުރައްވާފައެވެ. އެގޮތުން މިހާރު ޕީއެސްއެމްގެ އެމްޑީއަކީ، ޓީވީ މޯލްޑިވްސްގެ ކުރީގެ ސީއީއޯ އަލީ ހާލިދުއެވެ. އަދި ޑީއެމްޑީ އަކީ މުހައްމަދު ޝަމީމްއެވެ. ކުންފުނީގެ ޗެއަރމަން އަކަށް ޢައްޔަން ކުރައްވާފައި ވަނީ އިބްރާހިމް ހިލްމީ އެވެ. ފަސް މެންބަރުން ތިއްބަވާ ޕީއެސްއެމްގެ ބޯޑުގައި މިއަދު ޢައްޔަންކުރި މިދުހަތާއި އެކު ދެން ބޯޑުގައި ހިމެނިވަޑައިގަންނަވަނީ މަރިޔަމް ވަހީދާއެވެ.