މާދަމާއަކީ ސަރުކާރު ބަންދު ދުވަހެއް ގޮތުގައި ރައިސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ހަމަޖައްސަވައިފިއެވެ.
18 ނޮވެމްބަރު ވާ އާދީއްތަދުވަހަކީ ސަރުކާރު ބަންދު ދުވަހެއްގެ ގޮތުގައި ރައީސުލްޖުމްހޫރިއްޔާ ހަމަޖައްސަވާފައިވާކަމަށް ރައީސުލްޖުމްހޫރިއްޔާގެ އޮފީހުން މައުލޫމާތުދެއެވެ. މާދަމާއަކީ ސަރުކާރު ބަންދުދުވަހެއްގެ ގޮތުގައި ރައީސުލްޖުމްހޫރިއްޔާ ހަމަޖައްސަވާފައިވާއިރު، ރައީސް ޞާލިޙު ރައީސުލްޖުމްހޫރިއްޔާގެ މަޤާމާ ޙަވާލުވެވަޑައިގަތުމުގެ އުފާ ފާޅުކުރުމުގެ ގޮތުން "ދުޅަހެޔޮ ހަށިހެޔޮ އީދު" ގެ ނަމުގައި ޚާއްޞަ ކުޅިވަރު ފެސްޓިވަލެއް ބޭއްވުމަށް ވަނީ ނިންމާފައެވެ.
މި ފެސްޓިވަލްގެ ޙަރަކާތްތަކުގައި ރައީސުލްޖުމްހޫރިއްޔާ ބައިވެރިވެވަޑައިގަތުމަށް ވަނީ ހަމަޖެހިފައެވެ. "ދުޅަހެޔޮ ހަށިހެޔޮ އީދު" ގައި ރާއްޖޭގެ ކުޅިވަރު އެސޯސިއޭޝަންތަކާއި 15 ޖަމިއްޔާއަކުން ބައިވެރިވާނެކަމަށް ހަރަކާތް އިންތިޒާމްކުރާ ފަރާތުން މައުލޫމާތުދެއެވެ.