ސިފައިންގެ 123 ވަނަ އަހަރީ ދުވަސް ފާހަގަ ކުރުމަށް ބޭއްވި ހަފްލާގެ ތެރެއިން- ފައިލް ފޮޓޯ: އެމްއެންޑީއެފް
ރައީސުލް ޖުމްހޫރިއްޔާ ޢަބްދުﷲ ޔާމީން ޢަބްދުލް ޤައްޔޫމް، ސިފައިންގެ ވެލްފެއަރގެ ކަންކަން ކުރިއެރުވުމަށް ކުރަންޖެހޭ ވިޔަފާރިތައް ކުރުމަށްޓަކައި "ސިފައިންގެ އެކުވެރި ކުންފުނި ލިމިޓެޑް"ގެ ނަމުގައި ކުންފުންޏެއް އުފައްދަވައިފިއެވެ.
މި ކުންފުންޏަކީ ދަރަންޏަށް ޒިންމާވާންޖެހޭ މިންވަރު ކަނޑައެޅިފައިވާ ދިވެހި ސަރުކާރުގެ ސައްތައިން ސައްތަ ޙިއްސާ އެކުލެވިގެންވާ ސަރުކާރުގެ ކުންފުންޏެކެވެ.
މި ކުންފުނީގެ ރައުސުލްމާލަކީ 10 ރުފިޔާގެ އެއްސަތޭކަ މިލިޔަން ހިއްސާގެ މައްޗަށް ބަހާލެވިފައިވާ 1 ބިލިޔަން ރުފިޔާއެވެ.
ރައީސް ޢަބްދުﷲ ޔާމީން އަލަށް އުފެއްދެވި މި ކުންފުންޏާއެކު ސިފައިންގެ ވެލްފެއަރ އާއި މާލީ ކަންކަން އިތުރަށް ރަނގަޅު ކުރެވިގެންދާނެކަމަށް ޑިފެންސް މިނިސްޓަރ ވަނީ ވިދާޅުވެފައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ