ޔޫތު މިނިސްޓްރީގެ ނާއިބުގެ މަޤާމަށް ޢައްޔަން ކުރައްވާފައިވާ ކުރީގެ ޑީސީޕީ ސަޢުދީ --
ކުރީގެ ޑެޕިއުޓީ ކޮމިޝަނަރ އޮފް ޕޮލިސް އަހުމަދު ސަޢުދީއަށް ޔޫތު މިނިސްޓްރީގެ ނައިބުކަން ދެއްވައިފިއެވެ.
ރައީސުލްޖުމްހޫރިއްޔާގެ އޮފީހުން މިއަދު ބުނީ މިނިސްޓްރީ އޮފް ޔޫތު އެންޑް ސްޕޯރޓްސްގެ މިނިސްޓަރުގެ ނައިބުގެ މަޤާމަށް ހއ. ހޯރަފުށީ އަލިމަސްގޭ، އަލްފާޟިލް އަޙްމަދު ސަޢުދީ ރައީސުލްޖުމްހޫރިއްޔާ ޢަބްދުﷲ ޔާމިން ޢަބްދުލްޤައްޔޫމް މިއަދު ޢައްޔަންކުރައްވައިފައިވާ ކަމަށެވެ.
ފެބްރުއަރީ މަހުގެ އެއްވަނަ ދުވަހު ސުޕްރީމް ކޯޓުން ނެރުނު އަމުރާއި ގުޅިގެން އޭރު ކޮމިޝަނަރ އޮފް ޕޮލިސްގެ މަޤާމުގައި ހުންނެވި އަހުމަދު އަރީފު މަޤާމުން ވަކި ކުރެއްވުމާއި އެކު ސަރުކާރުން ވަނީ ވަގުތީ ގޮތުން ފުލުހުންގެ މުޢައްސަސާ ހިންގުން ސަޢުދީއަށް ހަވާލުކުރައްވާފައެވެ. ނަމަވެސް އޭގެ ދެ ދުވަސްފަހުން ސަޢުދީ ވަނީ އެ މަޤާމުން ވަކިކޮށްފައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ