އެމްޓީސީސީ ކަށަވަރުން ވިއްކާ ޔަންމާ ބްރޭންޑްގެ ޖަނަރޭޓަރުތަކުން ޚާއްސަ ޑިސްކައުންޓްތަކާއިއެކު ޕްރޮމޯޝަނެއް ފަށައިފިއެވެ.
މި ޕްރޮމޯޝަންގައި އެމްޓީސީސީން ވިއްކާ ތިން މޮޑެއްލަމުގައިވާ ޔަންމާ ކޮމްޕެކްޓް ޖަނަރޭޓަރާއި، ޔަންމާރ މެރިން ޑީސަލް ޖަނަރޭޓަރާއި، އިންޑަސްޓްރީއަލް މަސައްކަތްތަކަށް ޚާއްސަ ޔަންމާ ޑީސަލް ޖަނަރޭޓަރުން ޚާއްސަ ޑީސްކައުންޓްތައް ލިބޭނެއެވެ. "ސާބަސް" ޔަންމާރ ޖަނަރޭޓަރުގެ ނަމުގައި ފެށި މި ޕްރޮމޯޝަން ކުރިއަށް ގެންދިއުމަށް ހަމަޖެހިފައިވަނީ މިމަހުގެނިޔަލަށެވެ. މިއީ އޮޑިވެރިންނާއި، އޮޑިދޯނި ބަންނަފަރާތްތަކުގެ އިތުރުން ރިސޯޓް ދާއިރާއާއި، އިންޑަސްޓްރިއަލް ޚިދުމަތްދޭ ފަރާތްތަކަށް ޚާސައްކޮށްގެން ފެށި ޕްރޮމޯޝަންއްކަމަށް އެމްޓީސީސީންބުނެއެވެ.
އެމްޓީސީސީގެ ޓްރޭޑިންގ ޑިޕަރޓްމަންޓްގެ ޖެނެރަލް މެނޭޖަރ އިސްމާއިލް އަދުހަމް ވިދާޅުވީ ޔަންމާ ބްރޭންޑްގެ ޖަނަރޭތަރަކީ ރާއްޖޭގައި މަޤުބޫލު ޖަނަރޭޓަރެއްކަމަށެވެ. އަދި މި ޕްރޮމޯޝަންގައި ޖެނަރޭޓަރުތަކުން ފަނަރަ ޕަސެންޓާއި ހަމައަށް ޑިސްކައުންޓް ލިބޭނެކަމަށްވެސް އޭނާ ވިދާޅުވިއެވެ.
މި ޕްރޮމޯޝަން އަމާޒުކޮށްފައިވަނީ ފައިސާ ދައްކާ ވަގުތުން ޖަނަރޭޓަރު ގަންނަ ފަރާތްތަކަށެވެ.
ޔަންމާ ޖަނަރޭޓަރަކީ އުމުރު ދިގު، ޚަރަދު ކުޑަ، ގެންގުޅެން ފަސޭހަ އަދި ކަސްޓަމަރުންގެ އިތުބާރުލިބިފައިވާ އެންމެ ކުރިއަރާފައިވާ ޤައުމުތަކުގައިވެސް ބޭނުންކުރަމުންދާ ބަރޭންޑެކެވެ.