އެސްޓީއޯ މިނިވަން ޗެމްޕިއަންޝިޕްގެ ޒޯން ހަޔެއްގެ ޗެމްޕިއަންކަން ތިމަރަފުށި އަދި ޒޯން އަށެއްގެ ޗެމްޕިއަންކަން ސ ފޭދޫ ހޯދައިފިއެވެ.
ޒޯން ޗެމްޕިއަން ކަނޑައެޅުމަށް މިއަދު ކުޅުނު މެޗުތަކުގެ ތެރެއިން ޒޯން ހައެއްގެ ޗެމްޕިއަންކަން ތިމަރަފުށްޓަށް ލިބުނީ ލ މާބައިދޫގައި މިއަދު ކުޅުނު ފައިނަލްގެ ދެވަނަ ލެގުގެ މެޗު ލަނޑެއް ނުޖެހި އެއްވަރުވުމުންނެވެ. ތިމަރަފުށީގައި ކުޅުނު ފުރަތަމަ ލެގުގެ މެޗު ތިމަރަފުށި ކާމިޔާބުކޮށްފައިވަނީ ދެލަނޑު ސުންލަނޑުންނެވެ.
ޒޯން އަށެއްގެ ޗެމްޕިއަންކަން ސ ފޭދޫ ޓީމު ހޯދީ ފުވައްމުލަކުގެ ޗެމްޕިއަން ދޫޑިގަމާ ވާދަކޮށް މިއަދު ބަލިވި ނަމަވެސް ދެލެގުގެ ނަތީޖާއިން ކުރިހޯދައިގެންނެވެ. ތިންލަނޑު އެއްލަނޑުން މިއަދު ފޭދޫ ބަލިވިއިރު މިދެޓީމް ފޭދޫ ދަނޑުގައި ކުޅުނު މެޗު ފޭދޫ ކާމިޔާބުކޮށްފައިވަނީ ފަސްލަނޑު ދެލަނޑުންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ