ނަލަފެހި ތެނަދޫ" ޕްރޮގްރާމްގެ ދަށުން ތިނަދޫ ސާފްކުރުމުގެ ޕްރޮގްރާމެއް ކުރިއަށްގެންގޮސްފިއެވެ.
ގދ. ތިނަދޫގައި ދެވަނަ ފަހަރަށް މީހުން އާބާދުވިތާ ފަންސާސް އަހަރުފުރުން ފާހަގަކުރުމުގެ ގޮތުން ހިންގާ "ނަލަފެހި ތެނަދޫ" ޕްރޮގްރާމްގެ ދަށުން މިއަދު ކުރިއަށްގެންދިޔަ ސާފް ކުރުމުގެ ހަރަކާތް ފައްޓަވައިދެއްވީ ރައީސުލްޖުމްހޫރިއްޔާގެ ނާއިބް އަބްދުﷲ ޖިހާދެވެ.
ނާއިބު ރައީސް ވަނީ މިހަރަކާތުގައި އަމަލީގޮތުން ބައިވެރިވެވެވަޑައިގެން، ހަރަކާތް ކުރިއަށްގެންދިޔަގޮތް ބައްލަވާލައްވާފައެވެ.
ތިނަދޫ ސްކޫލްތަކާއި، ސަރުކާރުގެ އޮފީސްތަކާއި، ހޮސްޕިޓަލުގެ އިތުރުން، ގދ. އަތޮޅު ކައުންސިލާއި ރަށު ކައުންސިލް އަދި ކުންފުނިތަކުން ބައިވެރިވި މި ޙަރަކާތުގައި، އެކި ގްރޫޕްތަކަށް ބަހާލައިގެން ރަށުގެ އެކި ސަރަޙައްދުތަކުގައި ހުރި ކުނީގެ ބާވައްތަށް ނަގައި ރަށު ތެރެ ސާފުކުރުމާއި، ޚާއްސަކޮށް މަދިރި އުފެދޭތަންތަން ހޯދައި، އެތަންތަން ނައްތާލާފައިވެއެވެ.
ތިނަދޫގައި ދެވަނަ ފަހަރަށް މީހުން އާބާދުވިތާ 50 އަހަރުވުން ފާހަގަކުރުމަށް އެރަށުގައި ސަރުކާރުން ހިންގަވާ ތަރައްޤީގެ މަޝްރޫއުތަށް ނިންމަވައި، އެދުވަހަށް ރަށް ޒީނަތްތެރި ކުރުމުގެ މަސައްކަތް ނާއިބު ރައީސްގެ ބެއްލެވުމުގެ ދަށުން ކުރިއަށް ގެންދަވަން ރައީސުލްޖުމްޙޫރިއްޔާވަނީ ޚާއްސަ ކޮމެޓީއެއް އެކުލަވާލާފައެވެ.