ހުޅުމާލޭގައި ހުންނަ ފިޔަވަތީގައި ޚިތާނުކޮށްފައި ތިބި ކުދިންނަށް ރައީސުލްޖުމްހޫރިއްޔާގެ އަނބިކަނބަލުން ފާޠިމަތު އިބްރާހީމް މިއަދު ޒިޔާރަތްކުރައްވައިފިއެވެ.
މި ޒިޔާރަތުގައި އެކަމަނާ ވަނީ ފިޔަވަތީގައި ޚިތާނުކޮށްފައި ތިބި 11 ކުދިންގެ ޙާލު ބައްލަވާލައްވައި އެކުދިންނާ އެކުގައި ވަގުތުކޮޅެއް ހޭދަކުރައްވާފައެވެ. މި ޒިޔާރަތުގެ މައިގަނޑު މަޤްޞަދަކީ ފިޔަވަތީގައި ޚިތާނުކޮށްފައި ތިބި ކުދިންގެ ޙާލުބައްލަވައި އެހީތެރިކަން ފޯރުކޮށްދެއްވުން ކަމަށް ޞަދަޤާތު ފައުންޑޭޝަނުން ވިދާޅުވެއެވެ.
ޞަދަޤާތު ފައުންޑޭޝަނަކީ މުޖުތަމަޢުގައި އެކި ކަންކަމުގައި ބޭނުންޖެހިފައި ތިބޭ ފަރާތްތަކަށް އެހީތެރިކަން ފޯރުކޮށްދެއްވުމުގެ ގޮތުން އެކަމަނާ އިސްނަންގަވައިގެން އުފައްދަވާފައިވާ ޖަމްޢިއްޔާއެކެވެ. މި ޖަމްޢިއްޔާގެ ފަރާތުން މި ސްކޫލް ބަންދުތެރޭގައި ވަނީ 120 ކުދިން ޚިޠާނުކޮށްދީ، އެ ކުދިންނާއި ޢާއިލާއަށް މިކަމުގައި އެހީތެރިކަން ދީފައެވެ.