23:52 - ރައީސުލްޖުމްހޫރިއްޔާ އަބްދުﷲ ޔާމީން އަބްދުލްޤައްޔޫމްގެ ސަރުކާރަށް 3 އަަހަރު ފުރުން ފާހަގަކުރުމަށް ބޭއްވެވި " ހަބޭސް 3 " ޖަލްސާ ނިމިއްޖެ.
23:45 - ޖަލްސާގައި މިހާރު ކުރިއަށްދަނީ ޚާއްސަ ދުއާއެއް ކުރުން
23:40 - ރައީސް ޔާމީން ނިންމަވާފައިވާ ގޮތަށް ތަރައްޤީގެ މަސައްކަތްތައް ކުރިއަށްދާނެ - ޑރ މުއިއްޒު
23:37 - ރައްޔިތުން ތިބީ ރައީސް ޔާމީންގެ ތަރައްޤީއާއެކު ކުރިއަށްދާން - ޑރ މުއިއްޒު
23:35 - ޖަލްސާގައި މިހާރު ވާހަކަފުޅުދައްކަވަމުން ދަނީ ހައުސިންގ މިނިސްޓަރ ޑރ މުހައްމަދު މުއިއްޒު
23:15 - މިއަދު ޤައުމަށް މިއަންނަ ތަރައްޤީގެ ބަދަލު މަންޒަރުންނާއި އަޑުން މިއަދު މިދަނީ ރައްޔިތުންނަށް ފެންނަމުން - އިކްރާމް
23:14 - ޚާއްސަ އެހީއަށް ބޭނުންވާ ކުދިންނަށް ތަޢުލީމާއި، ވަޒީފާއާއި، އެހެނިގެން ޚިދުމަތްތައްދެއްވަން ފެއްޓެވި ރައީސަކީ ރައީސް ޔާމީން.- އިކްރާމް
img:http://s4.psmnews.mv/images/660x400/14803578072688.jpg|ޕީއެސްއެމްގެ ޑީއެމްޑީ ހަބޭސް 3 ޖަލްސާގައި ވާހަކަފުޅުދައްކަވަނީ
23:11 - ޖަލްސާގައި މިހާރު ވާހަކަފުޅުދައްކަވަމުން ޕީއެސްއެމްގެ ޑެޕިއުޓީ މެނޭޖިންގ ޑިރެކްޓަރ މުޙައްމަދު އިކްރާމް
23:02 - ކަނޑުގެ ދޮރާށިން ރާއްޖެއަށް 2011 ވަނަ އަހަރު 53 ހާސް ކޮންޓޭނަރު ގެނައިއިރު، ރައީސް ޔާމީންގެ ސަރުކާރުގައިއެންމެ އަހަރަކުވެސް 81 ހާސް ކޮންޓޭނަރަށްވުރެ ގިނައިން އެތެރެކޮށްފައިވޭ- މިނިސްޓަރ ސަޢީދު
22:58 - ސާފު ތަޞައްވުރެއް ނެތި އެއްވެސް ކަމެއް ކާމިޔާބެއް ނުވާނެ. ރައީސް ޔާމީންގެ ތަފާތަކީ އެފަދަ ފުރިހަމަ ތަޞައްވުރަކާއެކު ކާމިޔާބަށް ވާޞިލްވުމަށް މަސައްކަތްކުރެއްވުން.- މިނިސްޓަރ ސަޢީދު
img:http://s2.psmnews.mv/images/660x400/14803560780333.jpg|ހަބޭސް 3 ޖަލްސާގައި މިނިސްޓަރ ސަޢީދު ވާހަކަފުޅުދައްކަވަނީ
22:57 - އަޖައިބުކުރުވަނި އިޤްތިސާދީ ބޮޑެތި ނަފާ ރާއްޖެއިން ނެގިދާނެކަން ރައީސް ޔާމީންވަނީ ސާބިތުކޮށްދެއްވާފަ - މިނިސްޓަރ ސަޢީދު
22:55 - އެއްވެސް ޝައްކެތްނެތް ގޮތުގައި މިރެއަކީ ކޮންމެ ދިވެއްސެއްގެ ކާމިޔާބާ ގުޅިފައިވާ ރެއެއް. މިއަދުގެ ކާމިޔާބު ވަޒަންކޮށްލަން ބޭނުންނަމަ، އެންމެ ފަސޭހައިން އެންމެ އަވަހަށް ކޮށްލެވެން އޮތީ 2013 ވަނަ އަހަރުގެ ކުރިއަށް 17 ނޮވެމްބަރު 2013 އިގެ ކުރިއަށް ޖެހިލުން- މިނިސްޓަރ ސަޢީދު
22:54 - ރައީސް ޔާމީންއަކީ ރައްޔިތުންގެ އަޑުއައްސަވާ ބޭފުޅެއް - މިނިސްޓަރ ސަޢީދު
22:50 - ހުރިހާ ބޭފުޅުންނަށް ކަމުދާ މެނިފެސްޓޯއެއް އޮތީމަ ރައީސް ޔާމީން ދިވެހިރާއްޖޭގެ ވެރިކަމަށް އިންތިޚާބުވެވަޑައިގަތީ - މިނިސްޓަރ ސަޢީދު
22:48 - ޖަލްސާގައި ވާހަކަފުޅުދައްކަވަމުން އިކޮނޮމިކް މިނިސްޓަރ މުހައްމަދު ސަޢީދު
22:33 - ރާއްޖެއަށްވުރެ ބޮޑަށް ގިނަ ކަންކަމުން ޓެކްސް ނަގާ ދުނިޔޭގެ ބޮޑެތި ޤައުމުތަކަށްވުރެ، ގިނަ ޚިދުމަތް އަގުހެޔޮކޮށް ރާއްޖޭގައި ރައްޔިތުންނަށްދެމުންދޭ - އަބްދުއްރަހީމް
22:31 - ރައީސް ޔާމީންއާއެކު މަސައްކަތް ނުކުރެވޭ ބޭފުޅުން ރަނގަޅުވާނީ ގޭގައި މަޑުކުރަން - އަބްދުއްރަހީމް
22:28 - ރައްޔިތުންގެ މަޖިލީހުން ބޭނުންވާ ހުރިހާ އެއްބާރުލުމެއް ރައީސް ޔާމީންއަށް ލިބިވަޑައިގަންނަވާނެ - އަބްދުއްރަހީމް
22:26 - ރައީސް ޔާމީންގެ ކާމިޔާބު މަސައްކަތްޕުޅު ޕީޕީއެމްގެ މެމްބަރުން އުފަލާއެކު ބަލައިގަންނަން - އަބްދުއްރަހީމް
22:23 - ޖަލްސާގައި މިހާރު ވާހަކަފުޅުދައްކަވަނީ ޕީޕީއެމްގެ ނައިބު ރައީސް އަދި ފޮނަދޫ ދާއިރާގެ މެމްބަރު އަބްދުލްރަހީމް އަބްދުﷲ
22:18 - ހަބޭސް 3 ޖަލްސާއަށް ތައްޔާރުކޮށްފައިވާ ޚާއްސަ ލަވަ ސީޑީއެއް ރައީސުލްޖުމްހުރިއްޔާ ނެރެދެއްވައިފި.
22:08 - ސަރުކާރުގެ މަޝްރޫޢުތަކުގެ ސަބަބުން ސީދާ ރައްޔިތުންނަށް ފައިދާކުރާނެ، އެމަސައްކަތް ފުރިހަމަކުރުމުގެ ފުރުޞަތު ރައީސް ޔާމީންއަށް ދެއްވަންޖެހޭ- ޝަހީރު
22:00 - ތަރައްޤީގެ ޕްރޮޖެކްޓްތަކުގެ ސަަބަބުން ޖީޑީޕީ އިތުރުވުމަށް މަގުފަހިވެގެންދާނެ- ޝަހީރު
img:http://s1.psmnews.mv/images/660x400/14803528180907.jpg|އެސްޓީއޯގެ މެނޭޖިންގ ޑިރެކްޓަރ ޖަލްސާގައި ވާހަކަފުޅުދައްކަވަނީ
21:59 - ރައީސް ޔާމީންގެ ވެރިކަމުގައި ފެންނަނީ ޤައުމު ތަރައްޤީވަމުންދާތަން - ޝަހީރު
21:56 - ޖަލްސާގައި މިހާރު ވާހަކަފުޅުދައްކަވަމުން ދަނީ އެސްޓީއޯގެ މެނޭޖިންގ ޑިރެކްޓަރު އަހުމަދު ޝަހީރު.
21:42 - ޒުވާނުންނަކީ ހަރުދަނާބަޔަކަށް ހެއްދެވުމަށް ސަރުކާރުން ކުރައްވާ މަސައްކަތް ކާމިޔާބު. ޒުވާނުންގެ އަޚްލާޤު ރަނގަޅުވަމުންދާ މަންޒަރުދަނީ ފެންނަމުން. ހަބޭސް 3 އަހަރުގެ ކާމިޔާބު ޒުވާނުން ބަލައިގަންނަނީ މަގުމަތީގެ އަމާންކަމާއި، ސުލްޙަވެރިކަން ޔަޤީންވެފައިވާތީ. ރައީސް ޔާމީންގެ ސަރުކާރަކީ ރައްޔިތުންގެ ވޭނާއި އުދާސްތަކަށް ފިނިކަމެއް ގެނެސްދެއްވި ސަރުކާރު - މިނިސްޓަރ އިރުތިޝާމް
img:http://s4.psmnews.mv/images/660x400/14803512107843.jpg|ޔޫތް މިނިސްޓަރ ހަބޭސް 3 ޖަލްސާގައި ވާހަކަފުޅުދައްކަވަނީ
21:38 - މިއަދު މިޤައުމުގެ ރައްޔިތުންގެ އުންމީދުތައް ހަޤީގަތަކަށް ހައްދަވައި، އިޤްތިސާތު ރަނގަޅުކުރައްވައި، އިޖުތިމާޢީ ފޭރާން ރަނގަޅުކުރެއްވީތީ ރައީސް ޔާމީނަށް ޝުކުރުދައްނަވަން. މިސަރުކާރުގެ ވޭތުވެދިޔަ 3 އަހަރަކީ ޒުވާނުންގެ ހަބޭސް 3 އަހަރު. - މިނިސްޓަރ އިރުތިޝާމް އާދަމް
21:37 - ރައީސް ޔާމީންއަކީ ދިވެހި ޒުވާނުން ބަލައިގަންނަ ލީޑަރެއް - މިނިސްޓަރ އިރުތިޝާމް
21:35 - ޖަލްސާގައި މިހާރު ވާހަކަފުޅުދައްކަވަމުންދަނީ ޔޫތް މިނިސްޓަރ އިރުތިޝާމް އާދަމް.
21:18 - ޓޫރިޒަމް ހަރުދަނާކުރުމަށް އަމާޒުކޮށްފައިވާ 50 ރިސޯޓުގެ ތެރެއިން 22 ރިސޯޓު މިއަހަރު ހުޅުވަން ވަނީ ތައްޔާރުވެފައި.މިރީޖަންގައި އެންމެ ރަނގަޅު އިންވެސްޓްމަންޓް ޕްލޭނެއް އޮތީ ރާއްޖޭގައި- ޒަމީރު
img:http://s3.psmnews.mv/images/660x400/14803501692511.jpg|ހަބޭސް 3 ޖަލްސާގައި މިނިސްޓަރ ޒަމީރު ވާހަކަފުޅުދައްކަވަނީ / ފޮޓޯ: ޕީއެސްއެމް
21:17 - ހުޅުމާލެ ޔޫތްސިޓީއަކީ ފަޚުރުކަމާއެކު އަޅުގަނޑުމެން ބަލައިގަންނަ މަޝްރޫޢެއް. ޔޫތް ސިޓީގެ މަސައްކަތްދަނީ ބާރަށް. މިދިޔަ 3 އަހަރުދުވަހުގެ ތެރޭގައި މުޅިރާއްޖޭގައިވަނީ ތަރައްޤީގެ މުހިންމު ގިނަ ޚިދުމަތްތަކެއް ގެނެސްފައި. ރާއްޖޭގެ އިޤްތިޞާދު ހަރުދަނާކުރުމަށް ޤާނޫނީ އޮނިގަނޑަށްވަނީ ބޮޑެތި ބަދަލުތަކެއް ގެނެވިފަ. އޭގެސަބަބުން ރާއްޖެއަށް އިންވެސްޓަރުންގެ އިތުބާރުވަނީ ލިބިފައި - ޒަމީރު
21:13 - ދެން އަންނަ ސަރުކާރަކުން އަޅާކިޔަން ޖެހޭފަދަ ތަރައްޤީއެއް ރައީސް ޔާމީންގެ ސަރުކާރުން ވަނީ ގެނެސްދެއްވާފައި- ޒަމީރު
21:10 - ޖަލްސާގައި ފުރަތަމަ ވާހަކަފުޅުދައްކަވަމުން ގެންދަވަނީ ޓުއަރިޒަމް މިނިސްޓަރ މޫސާ ޒަމީރު.
21:00 - ރައީސުލްޖުމްހޫރިއްޔާ އަބްދުﷲ ޔާމީން އަބްދުލްޤައްޔޫމްގެ ސަރުކާރަށް 3 އަަހަރު ފުރުން ފާހަގަކުރުމަށް ބާއްވާ " ހަބޭސް 3 " ޖަލްސާ ފެށިގެން ކުރިއަށް އެބަދެއެެވެ.