ސަދަޤާތު ފައުންޑޭޝަންގެ ފަރާތުން ހުޅުމާލޭގައި ކުރިއައްގެންދާ ޚިތާނީ ކޭމްޕަށް ޕަބްލިކް ސަރވިސް މީޑިޔާގެ ވެރިންނާއި މުވައްޒަފުން ޒިޔާރަތްކޮށްފިއެވެ. ޚިތާންކޮށްފައިވާ ކުދިން ތިބި ރެހެންދި ސްކޫލަށް ކުރި މި ޒިޔާރަތުގައި ކުދިންގެ ޙާލު ބަލައި އެކުދިންނަށް ހަދިޔާދީފައިވެއެވެ. img:http://s3.psmnews.mv/images/660x400/14803275704312.jpg|ޚިތާނީ ކޭމްޕަށް ޕީއެސްއެމްގެ ވެރިންނާއި މުވައްޒަފުން ޒިޔާރަތްކުރުން - ފޮޓޯ: ޕީއެސްއެމް
ޞަދަޤާތު ފައުންޑޭޝަންގެ ފަރާތުން ކުރިއަށްގެންދާ "ޚިތާނީ އުފާ" ޚިތާނީ ކޭމްޕަށް ޕަބްލިކް ސަރވިސް މީޑިއާގެ މެނޭޖިން ޑިރެކްޓަރ އިބްރާހީމް ޚަލީލް، ޑެޕިއުޓީ މެނޭޖިން ޑިރެކްޓަރ އިކުރާމް ޢަބްދުއްލަޠީފްގެ އިތުރުން ޑެޕިއުޓީ މެނޭޖިން ޑިރެކްޓަރ އާމިނަތު ޝާޔަން ޝާހިދު ޒިޔާރަތް ކުރެއްވިއެވެ.
މީގެ އިތުރުން ޕީއެސްއެމްގެ ނިއުސް ޑިޕާޓްމަންޓްގެ އިސްވެރިންނާއި، ގިނަ ޢަދަދެއްގެ މުވައްޒަފުން މި ކޭމްޕަށް ޒިޔާރަތް ކުރައްވާފައިވެއެވެ. ޕީއެސްއެމްގެ މެނޭޖިން ޑިރެކްޓަރ އައިމިނަތު ޝާޔަން ޝާހިދު ވަނީ ވާހަކަފުޅުގައި، ޢިޖްތިމާޢީ ކަންކަމާއި ޤައުމީ ކަންކަމުގައި ޕީއެސްއެމްއިން ދޭ އެއްބާރުލުން ފާހަގަ ކުރައްވާފައިވެއެވެ.
މީގެ އިތުރުން ޞަދަޤާތު ފައުންޑޭޝަންގެ ފަރާތުން ކުރިއަށް ގެންދަވާ މި ޚިތާނީ ކޭމްޕްގެ ކޯޑިނޭޓަރ ޔޫސުފް ޝަފީޢު ވަނީ މިކޭމްޕަށް ޢާއްމުންގެ ފަރާތުން ލިބުނު ތަރުޙީބު ފާހަގަކުރައްވާފައެވެ. ހުޅުމާލައި ކުރިއަށް ގެންދާ މި ޚިތާނީ ކޭމްޕަށް ޕަބްލިކް ސަރވިސް މީޑިއާއިން ކުރި ޒިޔާރަތުގައި ވަނީ ޚިތާނުކޮށްފައިވާ ކުދިންނަށް ހަދިޔާ ބަހާފައިވެއެވެ. ދެ ގުރޫޕަކަށް ބަހާލައިގެން ކުރިއަށްގެންދިޔަ މި ޚިތާނީ ކޭމްފުގައި 120 ކުދިން ޚިތާނުކޮށްފައިވާއިރު، މީގެތެރޭގައި ހިމެނިގެން އަތޮޅުތެރޭގެ 24 ކުދިން ޚިތާނުކޮށްފައިވެއެވެ.