މެކްސިކޯ ސަރަހައްދަށް އައި ބިންހެލުމުގެ އަސަރެއް ރާއްޖެއަށް ނުކުރާނެ

މެކްސިކޯ ސަރަހައްދަށް އައި ބިންހެލުމުގެ އަސަރު ރާއްޖެއަށް ނުކުރާނެ ކަމަށް މޫސުމާބެހޭ ޤައުމީ އިދާރާއިން ވިދާޅުވެއްޖެއެވެ.

މި ހާދިސާއާ ގުޅިގެން އެ އިދާރާއިން ނެރުނު ބަޔާނުގައި ވިދާޅުވީ، މެކްސިކޯ ސަރަޙައްދަށް އައި ބިންހެލުމުގެ ސީދާ ނުރައްކާ ރާއްޖެއަށް ނުކުރާނެ ކަމަށެވެ.

މޫސުމާބެހޭ ޤައުމީ އިދާރާއިން ވިދާޅުވީ، މިރޭ 7:48 ހާއިރު މެކްސިކޯ ސަރަޙައްދަށް ބިންހެލުން އައިސްފައިވަނީ، 7.3 މެގްނިޓިއުޓުގެ ބާރުމިނުގައި ކަމަށެވެ.

An Earthquake of magnitude 7.3 occurred near Cost of Chiapas, Mexico. There is no direct threat to Maldives. pic.twitter.com/v9TYRTQsLx

— Maldives Meteorology (@MetMaldives) July 17, 2026

މެޓް އޮފީހުން ވިދާޅުވީ، ބިންހެލުން އައިސްފައިވާ ސަރަޙައްދަކީ މާލެއާއި 17،416 ކިލޯމީޓަރު ދުރުގައި އޮތް ސަރަޙައްދެއް ކަމަށެވެ.

ޚަބަރުތައް ބުނާގޮތުން މެކްސިކޯގެ ދެކުނުގެ ސްޓޭޓެއް ކަމަށްވާ ޗިއާޕަސްގެ އައްސޭރިފަށަށް އައި މިބިންހެލުމާއި ގުޅިގެން އެސަރަހައްދަށް ވަނީ ސުނާމީގެ އިންޒާރެއް ނެރެފައެވެ. އަދި މި ބިންހެލުމުގެ ލޮޅުންތައް ސެންޓްރަލް އެމެރިކާގެ ބައެއް ސަރަޙައްދުތަކަށްވެސް ފޯރާފައިވާ ކަމަށް މައުލޫމާތުލިބެއެވެ. މި ބާރުގަދަ ބިންހެލުމުގެ އަސަރު އަވަށްޓެރި ޤައުމުތައް ކަމަށްވާ އެލް ސެލްވަޑޯރ އަދި ގުއަޓެމާލާއަށްވެސް ވަނީ ކޮށްފައެވެ.