އެމެރިކާ އާއި ކެނެޑާގެ އިތުރުން މެކްސިކޯގައި ކުރިއަށްދާ ފީފާ ވޯލްޑްކަޕްގެ ގަދަ 16 ގައި ރޭ ސްޕެއިން އާއި ދެކޮޅަށް ކުޅުނު މެޗުން 1-0 ގެ ނަތީޖާއަކުން ސްޕެއިން އަތުން ބަލިވެ ޕޯޗުގަލް މުބާރާތުން ކެޓުމަށްފަހު މާޓިނޭޒް ބުނެފައިވަނީ މިއީ އޭނާގެ ފަހު މެޗު ކަމަށެވެ.
"ޕޯޗުގަލް އެފްއޭ އާއިއެކު އަހަރެން ހަދާފައިވާ އެއްބަސްވުމުގެ މުއްދަތު މިދިޔަ ހޯމަ ދުވަހު ވާނީ ހަމަވެފައި. އެހެންކަމުން އެފްއޭ އިން އައު ކޯޗެއް ހޯދުމުގެ މަސައްކަތް ކުރާނެ." މާޓިނޭޒް ބުންޏެވެ.
ސްޕެއިން އަށް އުފަން މާޓިނޭޒް ޕޯޗުގަލްގެ ކޯޗު ކަމާއި ހަވާލުވެފައިވަނީ 2023 ވަނަ އަހަރު އެވެ. އޭނާގެ ކޯޗު ކަމުގައި ޕޯޗުގަލް އިން ވަނީ ސްޕެއިން ބަލިކޮށް ޔޫއެފާ ނޭޝަންސް ލީގުގެ ޗެމްޕިއަންކަން ހޯދާފަ އެވެ.
ކުރިން ބެލްޖިއަމް އަށްވެސް ކޯޗު ކޮށްދީފައިވާ މާޓިނޭޒް ބުނެފައިވަނީ އޭނާ މި ފަހަރު ބެލްޖިއަމް އާއި ހަވާލުވީ ފީފާ ވޯލްޑްކަޕް އެ ޓީމަށް ކާމިޔާބުކޮށްދިނުމުގެ އަޒުމުގައި ކަމަށެވެ. އަދި އެކަން އެގޮތަށް ނުވުމުން ދެން އިތުރަށް އެ މަގާމުގައި ހުރުމުގެ ބަދަލުގައި އިތުރު މީހަކަށް އެ ފުރުސަތު ދިނުން ރަގަޅުވާނެ ކަމަށްވެސް މާޓިނޭޒް ވަނީ ބުނެފަ އެވެ.