ހައިވޭގައި އެކްސިޑެންޓެއް ހިނގާ 4 މީހަކަށް އަނިޔާވެއްޖެ
-
6 އުޅަނދެއް އެކްސިޑެންޓްގައި ހިމެނޭ
-
4 މީހުންނަށް ވަނީ އަނިޔާވެފައި
-
2 މީހަކު ވަނީ ފަރުވާއަށްފަހު ދޫކޮށްލާފަ
ހައިވޭގައި އެކްސިޑެންޓެއް ހިނގާ 4 މީހަކަށް އަނިޔާވެއްޖެއެވެ.
ފުލުހުން ވިދާޅުވީ މި އެކްސިޑެންޓް ހިނގީ ރޭ 12:45 ހާއިރުކަމަށެވެ. އެކްސިޑެންޓް ހިނގީ މާލެއިން ހުޅުމާލެއަށް ދަތުރުކުރާ ހައިވޭގައި ކާރު ލޭނުގައި މަޑުކޮށްގެން އޮތް ކާރެއްގައި، ފަހަރުން އައި ކާރެއް ޖެހިގެންނެވެ. އެވަގުތު ކާރު ކޮންޓްރޯލުން ނެއްޓި ސައިކަލު ލޭނަށް އަރާ، ދަތުރުކުރަމުންދިޔަ އިތުރު 4 ސައިކަލުގަައިވެސް ވަނީ ޖެހިފައެވެ.
މި އެކްސިޑެންޓްގައި އަނިޔާވެފައިވަނީ 4 ދިވެހިންނަށެވެ. އޭގެތެރެއިން 2 މީހަކަށް ހޮސްޕުޓަލްގައި ފަރުވާ ދިނުމަށްފަހު ދޫކޮށްލަފާކަމަށް ފުލުހުން ވިދާޅުވިއެވެ. އަނެއް ދެ މީހުންގެ ހާލުވެސް ރަނގަޅުވަމުން އަންނަކަމަށް ވިދާޅުވިއެވެ.
މި މައްސަލައިގައި ހިމެނޭ އުޅަނދުތަކަށް އެކި ވަރުގެ ހެއްލުންތައް ވަނީ ވެފައިވއެވެ. ފުލުހުން ގެންދަނީ މި މައްސަލަ ތަހުޤީގުކުރަމުންނެވެ.