ޚަބަރު
ތިލަފުށީ ސައިޓަކުން ގެއްލުނު މީހާ މަރުވެފައި އޮއްވާ ފެނިއްޖެ
-
މައްސަލަ ރިޕޯޓްކޮށްފައިވަނީ މިއަދު
-
މިމަހުގެ 26 ވަނަ ދުވަހުން ފެށިގެން ވަނީ ގެއްލިފައި
ތިލަފުށި ސިނާޢީ ބޭނުންތަކަށް ބިން ދޫކުރާ ސަރަޙައްދު / ފޮޓޯ: އެޗް.ޑީ.ސީ
ތިލަފުށީ ސައިޓެއްގައި މަސައްކަތް ކުރާ ބިދޭސީއަކު ގެއްލިގެން ހޯދަމުން ދަނިކޮށް މަރުވެފައި އޮއްވާ ފެނިއްޖެއެވެ.
ފުލުހުން ވިދާޅުވީ، ތިލަފުށީ ސައިޓެއްގައި މަސައްކަތް ކުރާ ބިދޭސީއަކު މިމަހުގެ 26 ވަނަ ދުވަހުން ފެށިގެން ގެއްލިފައިވާ މައްސަލައެއް މިއަދު ފުލުހުންނަށް ހުށަހަޅާފައިވާ ކަމަށެވެ. އަދި އެމީހާ ހޯދުމުގެ މަސައްކަތް ކުރަމުން ދަނިކޮށް އެ މީހާ މަރުވެފައި އޮއްވައި ފެނިފައިވާކަމަށް ފުލުހުން ވިދާޅުވިއެވެ. ނަމަވެސް އޭނާ ފެނުނީ ކޮންތަނަކުން ކަމެއް އަދި އެކަމާ ގުޅޭ އިތުރު ތަފްޞީލެއް ފުލުހުން ހާމައެއް ނުކުރައްވައެވެ.